現在是賣樓 不是賣慘
現在是賣樓 不是賣慘
近日不少賣樓以移民蝕讓為招徠，甚至賣樓葬父。 (資料圖片)
有老友委託一間物業代理行賣樓，但代理行竟然在他的樓盤貼上移民蝕讓。於是找物業代理理論，代理話現在賣樓，如果唔賣慘，很難賣得走，移民蝕讓已經是最好，有業主甚至用賣樓葬父，或者賣唔
到樓就要離婚。老友唔明白，是否真係要賣慘才可以賣樓。
筆者跟老友講，我買第一個住宅單位時，物業代理話業主周身唔掂，欠下大筆債，如果賣唔到樓 ，就過唔到難關。我於是還價，只是減了很少，代理話那位業主已經很慘，我仲要減價，嚇得我立刻話要再考慮。不久之後，我在那個屋苑買到一個方向更佳、樓層更高的單位，而且價錢仲比那個賣慘樓盤平了半成，所以，以後我都唔信那些賣慘盤。
筆者亦試過賣樓，當時代理建議話有咁慘講到咁慘，可以吸引買家買樓。我話千祈唔好，實話實說便可以，誰不知有買家聽到我是因為換樓而賣樓，而且面積仲大了一倍，認為那個單位風水好，二話不說便落訂，連物業代理都覺得很奇怪，唔賣慘都可以賣到樓。其實有乜好奇怪，邊會有買家鍾意買一層業主慘過梁天來的樓。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
