恒大系通告異口同聲指出，執行董事及董事會主席許家印因涉嫌違法犯罪，已被依法採取強制措施。
恒大（3333）及恒大物業（6666）昨晚同步發通告，將於今日復牌，恒大汽車（708）執筆之時則未有消息。兩份通告異口同聲指出，執行董事及董事會主席許家印因涉嫌違法犯罪，已被依法採取強制措施。
美
股外幣即時報價 多國新聞任睇
許家印被查 影響難以估計
上市公司的執行董事及主席因涉嫌犯罪被調查，影響可以說是無法量度，因為你唔知道佢對公司做咗啲乜嘢係具損害性嘅，正能量角度當然希望係「一間公司冇話冇咗邊個唔得」，但最差劣情況，大家都可以想像得到。雖然恒大復牌後我都曾經短炒過兩次，仲要係兩戰兩勝，但當時仍未出現發唔到債嘅情況，許家印更加未出事，如今背景唔同曬，梗係唔會再炒，其他內房亦都係避之則吉。
題外話講番，兩份通告有少少分別，恒大董事會只有一句「認為本公司目前不存在需要公佈的其他內幕消息」，恒大物業則是「認為本公司經營狀況正常，不存在需要公佈的其他內幕消息」。似乎許家印出事，對恒大嘅影響遠比恒大物業大，相信亦是因為內房比物管差一級，但無論如何，點都唔會入場。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
