關志康 - 車牌貴過車的道理 | 神耆商機
有位大老闆剛從內地回港，分享稱：「大陸經濟真係差，保時捷電車全新進口才70幾萬人民幣，還可以分期付款。我個『夥記仔』都買咗部，說起來我自己真係『慚愧』，還未買過一輛波子。」其實，有錢人未必一定「揸靚車」。有外國調查顯示，年收入超過25萬
美元的人中，六成以上是開日本豐田、本田和國產福特；只有兩個高級品牌躋身前10名，其中排第4的是德國寶馬，第6的則是日本豐田旗下豪華汽車品牌淩志。全球最富有的17名富翁，9個人開的車價值低於5萬美元。
據筆者觀察豪宅區停車場，超跑等靚車數量不多，停泊的車輛品牌也很大眾化。大老闆解釋：「你有件名牌衫都不會日日著出街啦，除非你得一件衫。」不少有錢長者較低調，豪車也不常開，平日「買餸車」或以電車代步，亦可能有司機接送，乘坐七人車重點在於舒適和安全。
另一個名人指：「我夠威，唔使靠架車來威。年紀大了，『玩車』意欲下降，加上換新車亦要重新適應。而且，跑車不舒服，尤其係我有大肚腩。」事實上，近年不少名人買國產七人車，反過來捧紅了本來在港寂寂無名的國產上汽大通Maxus。
有錢長者說：「想威不如投個靚車牌，既不折舊，做善事之餘，甚至會升值。」的確，街上不少普通車掛上超貴的車牌。今年單字英文車牌「D」拍得2000多萬元，屬歷來價值第3高的車牌。一位60出頭的前輩笑言：「你知唔知我架單車都貴過你架跑車。而家玩車牌好old啦，我班朋友都改玩單車，形象健康，又識到後生女。」
健康教育基金會主席
關志康
神耆商機 - 關志康 舊文
本文作轉載及備份之用 來源 source: http://www.stheadline.com
