金價會升到去邊？
金價會升到去邊？
金價會升到去邊？
金價升至每安士2,931美元，金價升得快，一定有古怪。美國近兩月有47個州將黃金變法定貨幣，個多月前只有6個。黃金進口稅上調，令大量黃金提前進入美國。而中國作為美國進口大國，賺大量美元，當然不可以全部換成人民幣，一旦人仔升值影
響競爭力，仲點賺外匯？所以會用美元買美債賺息。近日中國減買債換黃金，可能見俄佬資產被美國凍結，原來你不同意我做的事，就可以無理充公我放在你那裏的資產？更何況債券即借據，尤其現在特朗普揸旗，唔知幾時講錯乜嘢做錯乜嘢得罪佢老人家又借啲依。所以不止中國，全世界都在減美債，而用部分資金買金，令發了十年吽哣的黃金突然一年間升五成，就算美國盟友風頭火勢下見美元獨大自己貶值，都跟風搶黃金，造成這波升勢。
最近特朗普話要查洛克斯堡美國金庫存量，有做開金舖生意的讀者問會否對金價負面影響？我覺得公佢贏，字亦不會輸。何解？因為正值全世界搶金，當發現金庫存量少於財務報表數量，據侵侵份人一定追究到底，然後買返足夠存量填數；如發現存量大則證明美國靜靜雞收埋好多黃金唔出聲，連世界最大強國都屯金，其他投資者或國家更加會爭風買入，結果都是搶高金價。總括而言，筆者認為金價升勢未完，下一個目標每安士4,000美元。
HEA富專欄 - 郭釗 舊文
本文作轉載及備份之用 來源 source: http://www.am730.com.hk
