金融High Tea 2012年11月16日
金融High Tea——相反理論行得通
2012年11月16日
十八屆一中全會選舉塵埃落定，中共新一屆執政班子正式亮相，不過中港兩地股市卻借好消息隊個市，中環茶友話，昨日早上已覺唔對路，因為大市升近21300點呢個大位前沽壓極重，似有大倉沽貨，懷疑中港兩地都有太多散戶睇好，大戶就借勢炒相反，大力隊低，殺了好友，順道殺埋牛證。
兩地股市低開之後反彈，但到班子亮相就插，尾市跌幅擴大。上證綜指跌1.2%，港股仲弱，恒指大跌333點至21106點，收市險守21100點大關，正逐步挨近50天線，走勢唔係幾靚仔。
大市成交增加至530億元，沽壓有所加大。內銀股上日推動大市反彈，昨日出現回吐，不過跌幅唔算好大。
鬥爭平息利大市
呢個七人常委新班子，江派大勝，胡派只剩總理李克強一人，過程中鬥得激烈，對呢半年大市都有影響，第一為官者見到刀光劍影，當然潛水唔搞嘢，怕殺錯良民。第二鬥敗派系，特別係薄熙來一系，政治上全軍覆沒，更加要調錢走，有大倉不斷沽貨套現，對內地市都有影響。
證券界亦傾向睇好，如瑞信亞太首席經濟師陶冬話，儘管新常委中「江派」較多，但該派並非如外界所想般保守，過去20年加入WTO、國企改革、銀行改革、樓市改革等，均是在江澤民任職期間進行的，新班子對經濟影響有限。
德銀大中華地區首席經濟師馬駿亦認為，中共領導層換屆之後，除去投資者一大心理障礙。我就話呢啲係宏觀利好因素，同微觀一兩日走勢未必同步，短期走勢多數同散戶期望相反。
大市炒相反，個股亦如是。昨日拖累恒指係股王騰訊
(700)，騰訊公佈第三季度淨利潤同比增長32%，至人民幣32.2億元，略遜於預期的34.6億元，雖然網絡廣告同遊戲業務收入增長強勁，不過由於電子商務業務的利潤率降低，稍拖累整個集團的利潤率水平。
騰訊搵個理由插
證券界睇好居多，摩根士丹利話騰訊第三季盈利符預期，但稍擔憂其經盈利潤率下跌，但認為其業務具防守性，且擁有新催化劑，包括「微信」、開放平台、SNS(社交網絡服務)廣告等，該行仍以騰訊為亞太區首選之一，目標價由284.5元升至320.7元，評級維持「增持」。摩根大通亦認為騰訊第三季業績符預期，遊戲收入未如預期般強勁，但經營情況佳、明年產品線穩固，保留「增持」評級，目標價306元。不過巴克萊就指，騰訊第三季利潤率遜於市場預測，將目標價由292元小幅下調至290元。
騰訊業績其實OK，但股價股價昨日急跌7%，拖低恒指超過50點。我估要怪只怪騰訊之前條上升軌升得太靚，結果略為唔標青就俾人狂出貨，而且大家要記住科技股王蘋果都由700美元跌到536美元，點解騰訊唔跌得呢？
另一隻藍籌股思捷環球
(330)就爆升，升到你唔信。裂口抽高，收市亦有22%進帳，收12.96元。
睇真些，創辦人邢李㷧披露增持思捷達10.3%，成為第二大股東，投資者估計邢生有機再成為思捷領班人，令業務起死回生。我就話邢生50元沽貨，而家10元買番，可以入去搞，可以炒吓股，炒上20元都賺一個開，佢增持個古仔好易有人信。但德銀大潑冷水，認為仍需時觀察業務發展，建議投資者要注意公司現時銷售渠道轉弱的跡象，評級「持有」，目標價只係11.09元。但係大家記住，短炒又未必講基本因素。
陸羽仁
上一頁 下一頁
金融High Tea 舊文
電郵
列印
獨立觀看字體
又並非大部分預期般，會有胡錦濤扶植的人士佔大多數，所以到底未來中國的政治局面會怎樣變化，仍然要一段時間觀察，當然從好的角度分析，由於習近平已集軍政大權於一身，加上政治局常委減少人數，可以有助政策可以簡化地推行，所以中國的未來局勢，仍然是樂觀。 
