8月 QE
2012/6/21 上午 09:31:37
網誌分類: 經濟
美國聯儲局會議開出一個和局，賭有QE3(第三輪量化寬鬆)和無QE3都無贏無輸，聯儲局決定加碼兼延長扭曲操作(沽短債買長債)，但無決定搞QE3，不過卻一改常態強烈暗示有需要是會行動，令人相信佢在8月會議將決定推QE3。
美股隨聯儲局開會結果曝光急速升降，美股早段無乜升跌，在美東時間12點半聯儲局一公布會議結果，市場睇到只有扭曲操作無QE3時，馬上急插，杜指最多跌93點，但隨著投資者細味聯儲局公布係暗示下次開會將搞QE3時，杜指在半小時內V型反彈，最多升39點，即是從低位急彈132點。不過等到2點鐘聯儲局主席伯南克出來開記者會時，無乜對QE3的暗示，股市調頭回軟，再跌到早前低位，但到3點多一點又喘定，然後慢慢上番，杜指收12824點，微跌12點。標普500指數下跌2點，報1356點。
再仔細?鱞儂嬼p儲局作何決定。聯儲局在會後宣佈，維持超低利率0至0.25%不變至2014年底之餘，延長「扭曲操作」至今年年底，並且將額度規模加碼2670億美元。「扭曲操作」在去年9月推出，原定於這個月底結束，計劃內容是在期內買入不超過4000億美元在6年到30年之間國債，同時間出售等量的3年或以下短期國債，由於聯儲局出資不變，所以它的資產負債表無擴大，但大買長債，頂高長債價格，目的係壓住長期利率息口，刺激市場融資。
記住聯儲局今次不至決定延長「扭曲操作」，還要擴大67%，主要原因係唔睇好美國經濟前景。聯儲局對今後三年的經濟增長和失業率的預期都更為悲觀，它預測今年GDP增長只有1.9%至2.4%，明顯從4月時預期的2.4%至2.9%調降下來，同時亦下調2013年經濟增長0.5至0.3個百份點至2.2%至2.8%，2014年則從3.1%至3.6%降至3%至3.5%。它亦預期失業率惡化，今年回升至8.2%，明年仍高踞8%。唯一預期降低的是通脹率。
聯儲局睇住就業和通脹來做人，就業要高，通脹唔可以高，它預期就業下降、通脹亦下降，係典型要刺激和唔怕通脹有空間去刺激的局面。聯儲局的聲明對QE3作了明顯示，佢過去只會話「定期檢討資產組合的規模和構成」，但今次係講「聯儲局準備好採取進一步行動」，市場認為呢句話係對QE3的強烈暗示。
有記者在新聞發布會上問聯儲局主席伯南克，失業率長期高企，美國現在距股市高點已過去5年，距房地産高點已經6年，如何能保證大蕭條式的10多年低迷不重演呢？伯南克話，「我們將做一切能做的事情確保這不會發生。如果我們看不到就業市場持續改善，我們就會出手。」但佢亦提到放寬計劃要付出代價，不能輕易決定。「我們預備做多一點，但要等經濟的進一步資料，要睇睇歐洲的情況。」
正如我早前所講，唔等到最衰，唔會變好，伯南克係等緊壞消息，例如再出多一點美國非農業新增職位少過10萬的數字，或者歐洲爆鑊，佢就會在8月出手。你諗諗，11月美國大選，聯儲局主席幾中立都好，都想幫幫奧巴馬連任，但又唔想做到咁出位，所以就車前退後，千呼萬喚才出QE3，但混亂中佢先加碼2600億搞扭曲操作，若8月搞埋QE3，放水動作不少。
雖然市場即時反應是美元反彈，歐元、黃金、原油都跌，但這只是對無宣布搞QE3的即時反應，在各種工具中，原油呢一期仲弱過歐元，跌穿近日低位，跌到80美元邊上，睇?薯鳥鷛|試下上次低位75美元，商品和風險貨幣有一浪回調。但由於QE3的憧憬在前，將會抑壓美元升幅，在8月前都係一個橫行市，若中國經濟轉強，澳元可以睇番好少少。
陸羽仁
回應(13) 我想回應
陸羽仁 BLOG 舊文
