投資的天空：大戶劏牛拖冧市 - 張士佳
早幾日港股表現雖然唔算好，但睇落市底都唔差，因此昨日的弱勢算是有點意外。坊間將跌市歸咎於兩項因素。第一是聯儲局公佈上月議息會議紀錄，並無提到QE3，不過當晚美股跌幅輕微，估計不少人都預咗暫無QE3，這個理由解釋非常牽強。第二個解釋則是，市場憂慮內地的第二季GDP數字會令人所望，但連處於風眼中的A股都回升近0.5%，港股投資者未免先天下之憂而憂，因此又係另一個不靠譜的藉口。
以筆者之見，其實係大戶見近日牛證慢慢儲肥了，顯示一般投資者傾向逢跌博反彈，因此有殺倉的動機而已。筆者早前在本欄提及，大市升了近一個月，反彈至近250日線時，才見到陸續有人發表看好言論，加上弱勢板塊反彈，已提醒要小心，做倉不能勇進，所以見急回亦不感詫異，如果先前有參考，估計這下急跌應不會對倉位造成太大影響。
以近日盤路所見，淡友似開始佔上風，因此組合打算將好倉水平降低，先套回資金作下一輪部署，今日會以開市價全數沽出中銀香港(2388)及世茂房地產(813)一萬股。
筆者資產管理客戶持有世房
與曾卓鋒(寶來證券業務經理)聯合執筆(逢周三、五刊出)
作者：張士佳、曾卓鋒(寶來證券(香港)業務經理)
上一則: 青心直說：投資人仔考心思 - 胡孟青
下一則: 外幣兌港元
投資的天空 - 張士佳 舊文
