中環在線：明年加租添好運撤定唔撤？ - 李華華
加租唔畀面添好運會被逼遷？
米芝蓮星級食肆「添好運點心專門店」?旺角廣華街間舖??易手，新業主等明年初租約期滿時，可能大幅加租兩倍，到時添好運肯定要加價，如果新業主獅子開大口，趕走添好運，食開?街坊可能要轉去其他分店。
添好運?廣華街2至20號地下7號舖，850呎月租4.2萬，舊業主最近以4000萬沽出，呎價4.7萬，佢04年只係用730萬買入，八年間賬面升值四倍半，賺3270萬，相當和味。
舊業主想加1.6倍
業主勁賺當然值得恭喜，但大家更關心新業主會唔會大幅加租趕走添好運，咁?添好運家呢份租約明年2月到期，隨時被新業主鋸一頸血。
添好運老闆兼主廚麥桂培唔知道換?業主，但佢透露，原業主早幾個月已經同佢傾，打算加租加到11萬，加幅1.6倍，佢梗係冇即刻應承，仲密密留意旺角其他地方?舖位同舖租行情。自從添好運?廣華街開舖，加上新盤百利達廣場入夥，成條街越來越旺，近月都有好多高價沽舖、承租?消息。?添好運附近?5號舖，上月中就有一間甜品店以8萬承租，比舊租多?78%。前日8號舖又以2730萬沽出，原業主一星期短炒賬面獲利280萬。
所以，麥老闆心中有數，知道大幅加租在所難免，但都有底線，如果新業主真係獅子開大口，加租加到好唔合理，搞到冇錢賺?話，佢唔會就範。佢亦計好數，如果加兩倍租，點心都要加價，大概每籠加2蚊，即係一成左右，事關旺角做街坊生意，即使轉嫁成本都會睇住做咁話。
mailto:LiWaWa@AppleDaily.com
上一則: 中國仲裁案港人第二多
下一則: 中環在線：為吸廣告fb出賣私隱 - 李華華
中環在線 - 李華華 舊文
