中環在線：六屍凶宅坐地起價 - 李華華
全城最凶宅狂加價嚇鬼
都說樓市太瘋狂，全城最猛凶宅都坐地起價！繼北角富澤花園一個凶宅單位上周呎價過萬沽出，「凶宅大王」陳應佳?住?荃灣中心六屍凶宅王，雖然放?成年都未賣得出，但早兩日竟然加價，由170萬加到200萬，加幅接近18%。
呢個六屍凶宅，係佳叔舊年5月?拍賣場上以118.5萬元投得。佢一副不志在咁話「200萬都係嗌住先」，指個凶宅收緊租，冇有怕，加上單位仲未坐完兩年「SSD監」(兩年內轉售單位，政府徵收最多15%額外印花稅)，200萬賣到就賣，否則繼續?住收租。
設計圖片及對白
基督徒租緊連約放售
聽講，呢個單位家租畀一位百無禁忌?基督徒，月租5600蚊，佳叔連租約放售，若成功以200萬(呎價4082)沽出，佳叔賬面賺81.5萬。
地產代理講，同類非凶宅單位現市值約280萬。
佳叔之所以被人叫做「凶宅大王」，皆因佢專吼大低水?凶宅，高?期持有8至10個凶宅單位，家陣得番荃灣中心一件貨咋。
呢個單位，1996年有租客?屋內開煤氣同太太、三名仔女同埋兩名表弟集體自殺，結果租客獲救，其餘六人慘死，轟動全港。區內代理直情話，單位實在「太猛」，銀行做唔到按揭，幾平都好，好難搵客。
另一著名凶宅──九龍灣德福花園五屍命案單位新近亦將叫價加到300萬(呎價4800)，係五個月內四度加價，原先叫價238萬，加幅達26%。凶宅都話要炒起，CY同茂波幾時先至「做實事」呢？
李華華
mailto:LiWaWa@AppleDaily.com
上一則: 住房公積金擬入市托A股
下一則: 中環在線：核盡大孖沙屈洪疇退休了 - 李華華
中環在線 - 李華華 舊文
