投資的天空：減磅降風險非睇淡 - 張士佳
歐美問題暫時紓緩，希臘吊頸都要??氣，美國仍在感恩節日氣氛及Cyber Money的影響下，正沐浴於小陽春，這一切唔難預期。最近幾次高開低收，上升裂口欠奉，升勢拉牛上樹，所以逢高需要減持，但暫時唔係太擔心，造頂都係經常跌兩三日，突然又穿頂，所以減持只係降低風險，唔係睇得太淡。
港股唔升，大家都「賴」滬綜指，滬綜指又穿底，好像無底深潭，全世界對佢失去信心，我反而覺得下輪港股若可再升，全靠滬綜指帶動，內地券商唱好經年，但見其節節敗退，可謂相當無癮，估計蟹貨重重，就算升都似係反彈多於從此見底回升，正好配合士佳的無裂口上升屬反彈論，所以升完就散水，個股有出入成本，加上流動性限制，過去幾天有半數個股唔升，亦印證了我的看法。
組合唔做個股唔得，惟有小心行事，雖然新能源國策講完又講，都係炒了兩日貨仔，但華能新能源(958)股價一直沿上升軌運行，應可跟進，今天開市價入20萬股。中國太平(966)持有多時，無甚表現，今天在13.06元平倉。平倉後，若正通汽車(1728)在下午3時55分仍見陽燭，買入四萬股。
筆者及相關人士持有華能新能源
張士佳
寶來證券(香港)資產管理部董事
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：強國富人難小覷 - 胡孟青
下一則: Follow Me：中傳動股災價博得過 - 高彰坡
投資的天空 - 張士佳 舊文
