爛報告
2013/1/30 上午 09:42:01
網誌分類: 經濟
美股真係威水，連升8日，上日小休一天，昨日受多家美企財報超過預期推動，又再起動，三大指數齊漲約0.5%。杜指漲73點，收13955點，大家要注意，杜指已升近14000的重大關口，而標普500指數漲8點，造1508點，早已升穿1500點大關。
高盛上星期唱好蘋果的報告再惹起爭議。2010年4月，高盛因為「在向投資者推銷一款與次級信貸有關的金融産品時隱去關鍵事實，誤導投資者」被美國證監會(SEC) 罰5.5億美元，其中2.5億美元用來賠償客戶損失。
上個星期又發生疑似事件，蹤蘋果的高盛分析師Bill Shope在蘋果公佈季度業績前一日，大力唱好蘋果股價，預測未來12個月內蘋果會漲到760美元，但同時沽出價值3000萬美元的蘋果結構性債券(Structured Bond)。蘋果公佈業績前升超過1%，公佈後股價插水12%。市值蒸發了600億美元。最妙的是Shope又將蘋果目標股價下調至600美元。
資料顯示，去年市場共發行了450種與蘋果掛鉤的結構性債券，投資額約17.5億美元，蘋果債券的升跌，成係標普500指數之外的第二個反映市場走勢的晴雨表。當中多達四分之三在蘋果股價處於550美元以上時發行，而合約期一年或以下、包裝成高息票據/債券的投資工具，即所謂「逆向換股票據」(reverse convertibles)又佔了大多數，即係當股價跌穿某一水平時，投資者要強制性接貨的産品，類似香港的股票掛?u產品，按性質其實所謂高息，只是沽出認沽期權的期權金(仲要俾機構食?髐@截)。
好多投資者買?魕M蘋果相關的逆向換股票據，因為蘋果股價大跌要接貨，由投機被逼變成投資。市場現時的熱門話題係蘋果是否告別了高增長年代，從此變身「價值股」。由於蘋果同雷曼唔同，蘋果唔係執笠，所以接了蘋果貨，唔係買?鷞p曼迷債咁血本無歸，跟住高盛支笛入市的投資者雖然即時中招，但起碼仲有希望。不過高盛又唱高又唱低的行為，最起碼是分析員睇股好差，發表了一份爛報告，但一定有投資者認為唔止咁樣，投訴佢玩?潔A問題只係入唔入?隉C
現時市場熱話係蘋果是否已經告別高增長年代，進入「價值投資」年代。有一派分析員仍然十分睇好蘋果。分析指蘋果現時擁有1690億美元的現金和流動性資産，總債務只有690億美元，手持1000億美元的現金或者等價物，約合每股105美元。蘋果昨日反彈1.9%至458美元，扣掉現金，價值是353美元。P/E大約係7倍左右，而美股平均P/E大約是14倍，蘋果足足低了一半，仍具好大的投資價值也。蘋果整個產品應用經驗如果能開放全新產品，以其IOS平台的佔有量之大，還有好多空間可開發。
當然，睇淡派認為蘋果手機和平板電腦已過高峰，好快會被三星或其他品牌全面打低，要開發發成功的產品不易，過住的盈利只是明日黃花，那個P(盈利)無法保持，7倍PE只是過去式，到利潤大跌時，PE就會急上。
蘋果的股價走勢逆轉，究竟是回吐還是轉勢，將是好好的買股研究個案。
陸羽仁
回應(6) 我想回應
陸羽仁 BLOG 舊文
