中環在線：馬雲踩女權惹火「女人最幸福是被人駕馭」 - 李華華
「一個女人最幸福是被人駕馭」如果將呢句說話上載facebook或者高登討論區，肯定引來激烈討論，向來女權至上?港女好大機會將講呢句說話?人，鬧到狗血淋頭，夠膽咁講?人不是別人，正是內地富豪兼金句王、阿里巴巴集團主席馬雲。
男權至上大陸平常
馬雲前日接受內地電視節目訪問，主持人同現場觀眾拿馬雲?外表來開玩笑，成班女觀眾都話唔會搵馬雲做男朋友，其中一位女觀眾就竟然唔係因為馬雲?外表唔要佢，而係擔心「駕馭不了」，怕馬雲有好多小三、小四。
馬雲於是就爆出一句回應：「小女孩記住，千萬不要駕馭一個男人，一個女人最幸福是被人駕馭」，難得現場女觀眾聽完呢句冇乜反應，主持人又轉話題，如果換轉?香港，主持人又係鄭裕玲?話，肯定即場火花四濺。
一句話老婆唔做女強人
男人幾時都想身邊?女人聽聽話話，可惜香港女仔由細到大都冇接受過呢套思想教育，男女平等、互相尊重就聽得最多，直情係核心價值，冇乜話邊個駕馭邊個。被人駕馭先至幸福，呢句說話，同古時男人話女人?腳先至靚有乜分別？
不過，馬雲確實有位佢駕馭到?太太。佢同太太張瑛係大學同學，畢業就結婚。
馬太曾經同馬雲一齊創業，04年馬雲一句說話，馬太就辭去阿里巴巴中國事業部總經理一職，返歸相夫教子，個仔今年都21歲。
馬太曾經話過，就係睇中馬雲能夠做到好多靚仔做唔到?事情，唔通馬太當年已經估到自己會變成富豪阿太？
李華華
mailto:LiWaWa@AppleDaily.com
上一則: 國策解碼：加快風電上網下遊股最受惠
下一則: 中環在線：銀娛美高梅花紅冇驚喜 - 李華華
中環在線 - 李華華 舊文
