荒謬照升
2013/5/9 上午 09:57:12
網誌分類: 經濟
美股升未停。杜指及標普500指數又再一次刷新盤中以及收市歷史新高。杜指漲49點至15105點，標普500指數升7點，收1633點。
美股升勢由電子遊戲生產商Electronic Arts及有機食品連鎖店Whole Food Market 領軍，兩家公司都上調全氛業績預期，而後者宣佈一拆二，股價分別飆升17%及10%。
截至昨日，已有436家標普500成分公司派發了季度成續表。Delta Global Asset Management的首席技術分析師Bruce Zaro認為，隨著業績公布期完結，大市的上升動力亦會衰竭，因為市場沒有了買股票的真正基本理由。
據《華爾街日報》報導，今年至今，杜指飆升速度，早1999年互聯網推動下的牛市終結以來最快的，儘管如此，普遍的分析卻表現得非常樂觀。IG Market的首席市場策略師維斯頓(Chris Weston)表示，「股市處在黃金時期，我們認為中期內全球市場沒有理由不會繼續攀升，尤其值得指出的是，自股市從11月份的低點大幅攀升以來，標普500指數最大幅度的一次回調也不過是3.8%。」
就係呢種直升唔調整的升市，令美股交易員大跌眼鏡，因為同傳統的升市大不相同，最普通的評價是:「市況太荒謬，完全不合理，非常難解釋。」
不過幾難解釋的事情都可以解釋，呢個升市有幾大元素:第一，巨量流動性。第二，利息超低，尋找回報。第三，公司盈利溫和高增長。第四，公司水多大量回購股份。結論就係挾升。花旗早兩日有個報告，副標題都總結了這種情況:「太多錢，太少資產可以賣。」
其實今次的升浪與上次互聯網泡沫不同，上次係投資者對於網絡科技對於世界的影響過於樂觀，熱情高漲，甚至跡近盲目。今次熱情不高，卻係「焗炒」。
現時，現金和貨幣市場基金的收益基本為零，美國國債收益率又接近歷史低點，上周四，美國10年期美國國債的收益率跌至1.63厘，差唔多係歷史最低水平。大宗商品市場跌完又跌，連一向視為最安全的黃金，投資者最近更遭遇「滑鐵盧」，損失慘重。在全球央行減息及大放水的情況下，手持現金，亦係唔掂。無得選擇之下，股市就成為比較好的投資工具。
另外，此前比較保守的大戶及散戶，手握現金離場觀望，但睇住股市係咁升，亦開始始質疑自己的立場。心到實埋。Principal Global Investors 的首席全球經濟學家Bob Baur指出，資金流出美國股市的趨勢已持續了5年，有更多跡象顯示投資者對股市的興趣正在增強。資金出現迴流，目前只係剛剛開始而已。
面對呢種非傳統升市，其實都有?躞禶d，買或唔買，都有風險，買就怕佢回調，唔買唔會輸，但大市再升就變成蛋家雞有水唔飲得。
陸羽仁
回應(2) 我想回應
陸羽仁 BLOG 舊文
