中環在線：陳南祿改馬名心繫米飯班主 - 李華華
■陳南祿新買?馬仔「天時地利」今年四歲，來自澳洲，近日晨操時好醒神！
「天兔」襲港，搞到噚日沙田冇馬跑，身兼馬董?恒隆地產(101)董事總經理陳南祿冇得去馬場行番轉?。講起祿哥養馬，佢之前養兩匹馬，名字都同飛機有關，可見佢幾咁鍾意國泰(293)份工。2010年佢轉去恒隆返工，今年買新馬，馬名就點都要加入「地產」元素，叫做「天時地利」。
以前改名至like飛機
祿哥今年初未買馬已經開始諗馬名，冇計啦，之前兩隻「有機可乘」同「時時有機」都同飛機有關，話曬呢幾年轉?去做地產，改馬名都要顯示佢已經心繫恒隆，專注做地產先至得?。
佢話，本來諗住叫呢隻新?澳洲馬做「遍地商機」，後來覺得「天」字好過「機」字，於是諗到「天時地利」。
英文名就諗住叫Seek the Moment，但moment發音似「冇蚊(money)」，唔多吉利，最後引用大文豪莎士比亞《凱撒大帝》入面一句名句，叫Take the Current，寓意把握目前機會。
睇往績，祿哥?馬主運似乎麻麻?，第一匹馬「有機可乘」一場賽事都未跑過，就因為健康問題而提早退役。
剛退役?「時時有機」，2008年第一次出賽就贏出，可惜之後表現一般。華華都希望佢呢隻新馬仔生生性性，為祿哥帶來多?獎金。
不過咁，祿哥連改馬名都一定要用「天」字，佢似乎仲係唔多捨得以前國泰份工喎。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 蒙牛伊利傳獲資助
下一則: 中環在線：索羅斯結婚禮金全捐出 - 李華華
中環在線 - 李華華 舊文
