風水輪流
2013/9/10 上午 09:37:23
網誌分類: 經濟
全球股市都升。中國8月出口增長及貿易順差都好過預期，上證綜指抽高3.4%至三個月新高，日本宣佈第二季度經濟增速3.8%，超出預期，加上功成申2020年奧運，日股大升2.5%，帶挈整個亞洲股市造好，美股亦唔執輸，杜指亦大漲141點至15063點，收復15000點關口，標普500指數連續第五日上漲，升16點，收1672點。
中國經濟有改善，週期股有改善，以出口為主及原材料股最受惠，重型建築設備生產商Caterpillar及美國鋁業(Alcoa)齊漲超過2%，係表現第一及第三好的杜指藍籌股。
另外，繼美國上周五公布的8月非農就業數據不及預期，讓投資者對聯儲局將於今個月開始退市的預期降溫外，三藩市聯儲主席威廉姆斯(John Williams) 昨日指出失業率6.5%係聯儲局退市的門檻，唔係「觸發點」，所以即使失業未跌到6.5%以下，唔代表唔啟動退市機制。事實上，美國失業率已經下降到7.3%的超過四年新低。不過，他表示「100%認同主席伯南克有關縮減量化寬鬆(QE)的時間表。」即係今年下旬正式開始減少買債，至明年最終結束QE。至於美國基準利率方面，他重申會只要失業率還維持在6.5%上方，聯儲局應該不會上調基準利率。他預期聯儲局要到2015年下半年才有可能加息。
威廉姆斯的講話，再加上美國10年期國債息率由此前的3厘回落至2.88厘水平，進一步舒緩了投資者對聯儲局即將退市的緊張情緒。
美國衆議院昨日休假後重開，將陸續處理美國軍事打擊敘利亞、預算債務上限、以及審批聯儲主席伯接班人誰屬的問題。總統奧巴馬將在未來數周內宣佈接替伯南克的人選提名。
值得注意的是，雖然中國數字向好，大陸股強番，但美股分析員卻認為風水輪流轉，有啲睇淡美股，認為呢個月將係「歷史上最困難的月份」，因為9月份向來都美股成交量最清淡的月份，低成交量又會將波動性擴大，今個月卻碰巧有大量不確定性，甚至「高風險」事件出現。因此，建議投資者縛好安全帶至上呢部「過山車」。而這個低成交量與高波動性很有可能繼續下去，直到美國在9月份解決了大部份「問題」為止。
陸羽仁
回應(7) 我想回應
陸羽仁 BLOG 舊文
