中環在線：畢加索畫運返國王健林交稅4,000萬 - 李華華
■王健林向來使錢都好豪爽。
「中國首富」王健林旗下萬達集團上周?紐約佳士得以1.72億元(人仔．下同)投得畢加索名作《兩個小孩》，被人話燒錢之餘，有專家幫佢計數，計埋關稅、增值稅，佢如果運呢幅畫回國要交稅4,000萬元。不過，王健林每次出手投資都幾十億、幾百億，幾千萬算係乜!
今年《福布斯》中國富豪榜，王健林以860億元身家成為首富，佢出名使得豪，舊年花約200億港銀買入美國第二大院線AMC，今年又斥資300億?青島建東方影都電影城，呢個項目9月舉行奠基儀式時，仲請到里安納度狄卡比奧、妮歌潔曼、梁朝偉等中外明星到場，相當誇張。
■《兩個小孩》上周以1.72億元拍出。
「已經買平?」
萬達上周以1.72億元買入畢加索一幅畫，就被人話土豪，萬達藝術品收藏負責人郭慶祥就認為，大家應該引以自豪，唔應該將焦點放?花幾多錢上面，家陣市道低迷，佢?買平??喇，換轉5、6年前，可能要過億美金先買到咁話。
專家未得閒自豪，反而急不及待幫萬達計數，事關如果將《兩個小孩》運返中國，萬達可能要交4,000萬元稅，包括關稅6%同增值稅17%。
上海收藏家劉益謙9月?紐約蘇富比以5,036萬元，投得蘇軾《功甫帖》，就係因為稅收太重皮，關稅都要301萬元，惟有將藝術品運到香港，再以「借展」方式畀返自己?美術館。
講起富豪豪買藝術品，香港代表一定係華置(127)主席劉鑾雄，大劉2006年曾以1.35億港元買入安迪華荷?毛澤東畫像，成為一時熱話。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 神州數字：遊戲評價網業務佳
下一則: 中環在線：代理預祝黃光耀牛一唔預堅叔 - 李華華
中環在線 - 李華華 舊文
