智取大市：合富破位小注望4元 - 晉佳
■扶偉聰任主席的合富輝煌，呢隻股貨較疏，同埋盈利可測性偏低，所以只宜小注。資料圖片
恒指次次大陽燭之後，都冇升勢跟尾，所以噚日升325點，資金當堂唔敢再跟進?，主板成交亦只得528億元，大家都係你眼望我眼。
投資者追貨意欲唔強，冇計，?股實在貴到買唔落手。睇番個股值博率已經比較一年前差好遠，大部份增長股?市盈增長率已超過1倍，但盈利增長分分鐘pick up唔到，例如翠華(1314)，前景雖然好，但市盈率46倍，真係好難?呢?價位吸納。
恒指成份股有唔少水份
情況原來唔淨係發生?增長股，恒指成份股原來都有唔少水份，前排本報講用指數/EBITDA計恒指估值，原來只低過10年平均數14%。
然後高盛又講到，如果恒指用番舊?成份股去計估值，估值只低平均數唔夠1%；再加上成份股當中又有和黃(013)、內銀股、內房股收埋唔少表外負債，風險明顯比較歷史平均為高。咁多個因素計計埋埋，恒指估值絕對唔係平，甚至係貴。
估值高，但股市升唔起之餘又跌唔落，原因係有希望?支持。大家等咁耐，其實都係等個三中全會，會後內容今日公佈，會定好十年八年政策方向，有料?話，起碼個市頂到多一陣，冇料?話即係同你講未來十年八年都唔使旨意中國能夠翻身。
物業代理股長做長有
事實上，從人性角度去睇，晉佳覺得中央領導人一定明白希望不能幻滅，所以?唔容許各界失望?情況下，就可能逼到條生路出?，所以估就估今日三中全會內容能夠令市場滿意，超過預期機會比差過預期大，希望事實如此吧。
個股方面，晉佳留意到合富輝煌(733)前排連番破頂。呢隻股做廣州物業代理，一手同二手都有份做，近排內地樓市火熱，即使有乜?京七條、滬七條，即使樓價壓得住，成交都唔係咁易壓落去，尤其?內房股周身債之下，賣樓賣唔去、套唔到現就真係死得，逼住發展商要貨如輪轉，咁樣就益?內地物業代理企業。所以，內房股就話多變數，但物業代理股生意理應長做長有。
合富輝煌本身盈利比較上反覆，相當唔易估，但收入就年年增長，連續四年至少賺過億港元，今年亦唔會例外。盈利預?佢chok住咁升，歷史市盈率8.5倍，長遠應該可以維持10倍以內，市賬率1.27倍，咁睇就唔貴。
睇圖表?話，合富過去幾個月?2.6至3元之間，橫行?亦有一段時間，前幾日突破?3元?長期阻力，成交亦明顯增加，大有一去冇回頭之感。不過，呢隻股貨較疏，同埋盈利可測性偏低，所以只宜小注。以10倍市盈率作為目標價，可上望4元，跌破3元止蝕。
晉佳
編按：智取大市暫待板塊尋寶一天。
足本收睇《亂?24》x楊千嬅；緊接落? Miriam繼續同你談談情,吹吹水！
周一至周五《亂?24》約定你：http://bit.ly/appletalk24
上一則: 女神tea time：過度競爭又如何 - Fifi
下一則: 魚樂無窮：海螺候升穿28元追入 - 唐牛
智取大市 - 晉佳 舊文
