中環在線：周大福睇中耀才1.3億入股鄭家純力撐葉茂林 - 李華華
新世界發展(017)主席鄭家純(純官)再度染指本地證券行？純官?家族企業周大福噚日斥資1.3億元入股耀才證券(1428)，持股約9%。純官與耀才老闆葉茂林幾時變得咁老友？葉氏旗下夜場股Magnum(2080)早排招股，市傳周大福斥資過千萬落飛，𠵱家又做埋耀才第二大股東。
葉強調僅一面之緣
新世界同系新創建(659)早於2009年底將海通(前稱大福證券，665)賣走，只保留約7%股權作長線投資，正當大家以為純官再冇興趣做本地證券行，佢竟然又去投資耀才。
耀才最出名就係以超低息搶客，兼且係港交所(388)?啦啦隊，曾經刊登廣告支持港交所加時與推出夜期，經常跟其他中小型經紀行唱反調。
純官係梁粉，CY民望有幾高係人都知，唔通因為大家都鍾意企?唔討好?邊，純官與葉茂林至咁?嘴形？
葉茂林強調，跟純官只有一面之緣，對於周大福，呢單刁好細，唔需要純官親自出馬。雙方傾?一、兩個月，純粹係識英雄，重英雄，暫時未詳細傾合作方向。至於佢將來會否繼續沽貨畀周大福，佢就話世事難料，要睇情況，對方暫時冇話買起耀才。
其實睇清楚呢單刁，周大福應該唔會蝕，佢以每股1.3元向葉茂林認購1億股，同時獲發認沽期權，可要求葉氏?明年底前以1.63元買番股份，即使耀才股價下跌，周大福都唔使輸錢，呢單刁純粹投資都未定。
李華華
mailto:LiWaWa@AppleDaily.com
上一則: 樂香園：給10年後的小米 - 海迪
下一則: 中環在線：美聯周年晚宴兩大樓神相遇 - 李華華
中環在線 - 李華華 舊文
