Prof J財技特訓班：有錢就係莊家 - 徐燦傑
■市場上有錢的就是莊家，正如滙控股價亦可如二三線股般爆上爆落。
上周偶像曾教授話莊家害死專家，文章一出，即時引來萬眾迴響，又係嘅，如果大家都有睇開佢老人家嘅文章，就會知道佢已經開始用「真金白銀」去投資細價股，如果出現嘅後果同效果係佢解釋唔到嘅，我係佢，講兩句又會有乜嘢出奇呢！
之後，股榮哥仔再寫多個延續篇！睇完之後，Prof J真係覺得佢好堅！堅在佢有用證據去支持自己嘅想法，懶散嘅我，只係賣chok同周街跑步去爆自己，真心佩服呢兩位多年努力嘅朋友！
冇嘢講，不過都係要繼續寫落去！呢幾年，Prof J比以前多咗人認識，都係感謝大家支持(真心嘅)！識嘅人多咗，碰到嘅人多咗，老細都識多咗，哈，終於有人欣賞！
滙控都可爆上爆落
仲記得有一次，有一位大老闆問我，乜嘢叫莊家？Prof J聽完之後，就話係唔係套戲果啲金主啦，有錢嘅咪係莊家囉，因為投資市場嘅產品成熟咗，乜嘢對沖基金、資本公司，講真，都不過係一個有實力嘅大戶人家！
好似滙控(005)出業績前，每日股價都裂口爆升，同一隻二三線股嘅走勢基本上冇乜分別！
嗰時，Prof J諗起偶像星爺一句說話──呢個世界係冇食神！Prof J就覺得呢個世界只係有金主，因為有金就可以喺波動嘅金融市場上淘寶！話之佢莊唔莊都好。
市場始終係一個市場，Prof J贊成股榮所講，每個人都要為自己負責任！除咗基本分析、投術分析、財投分析之外，Prof J最信價量分析，因為呢個世界，升咗上去，回調，成交量唔高，但係冇消失咗嘅股票！再打上去，佢哋嘅思維轉數，真係好值得學習，蜻蜓本身有四隻唔同火力嘅翅膀，令到佢哋有爆炸力同速度！
一齊徐時出擊，好好學習，喺空中任意飛翔啦！
徐燦傑
中國銀河國際財富管理主管
本欄逢周四刊出
【壹錘定音.李慧玲】6月4日早上8點正式開咪！
即like【壹錘定音】facebook專頁！
https://www.facebook.com/hammerout.hk
上一則: 青心直說：思捷有繼承者 - 胡孟青
下一則: 焯焯有餘 ：零售股勿沾手 - 關焯照
Prof J財技特訓班 - 徐燦傑 舊文
