智取大市：嘉里物流路遙知馬力
恒指橫行咁破頂，但睇返個股就往往跌股多過升股，唔少大價股亦由橫行變為連日下跌，有別於之前大價股橫行可以合埋眼等佢自動爆上?情況，市況差?不在話下。晉佳估計，升浪可能暫時告一段落，未來出現至少一個月?調整，甚至係幾個月?跌市，所以唔好以為坐實大價股一定穩陣。
大價股避之則吉，但係細價股、二三線股未必衰得曬，始終市場係錢多，港股調整，唔會直線急跌，投資者可能發現一?基本因素良好?股，博仲未升夠，揀?好?，坐定定等跑贏大市，調整浪可能搵到食。晉佳建議唔好信甚麼滬港通、乜央企概念，人棄我取，完全由基本因素出發，反而有出路。
短線揀中外運
近排業績期尾聲，唔少績差股未出業績已隊落去，績優股繼續有捧場客，呢幾日焦點係中外運(598)，業績後，四日升14%。中外運上半年純利7.08億元人民幣，其中最有concept?物流業務分部溢利增長16%，至1.84億元人民幣，其餘貨運代理同倉儲業務唔算增長概念，有睇頭反而係同DHL合作?中外運敦豪，中外運敦豪主要做快遞業務。
今年上半年，中外運應佔合營企業溢利為3.74億元人民幣，較2013年同期的2.41億元人民幣大幅增長55.3%，業績講到增長原因係中外運敦豪利潤上升同埋其他合營公司訴訟撥備減少，但拆唔開中外運敦豪條數?增長情況。以2008年至今包括中外運敦豪?應佔合營企業溢利表現?睇，中外運敦豪業績基本上同內地進出口數據同步，2010年至2012年都錄得唔錯增長，舊年內地進出口表現麻麻，應佔合營企業溢利溢利倒退大約8%。由此可見，中外運似係一隻中國外貿play多過物流股。由於中外運敦豪下半年度旺季純利貢獻向來較多，預計下半年中外運盈利較上半年增長一成，年度化市盈率14倍，呢個估值買呢隻股，四成係買DHL品牌，四成買唔上唔落前景一般?貨運代理同倉儲業務，只有兩成係買緊物流概念。
如果用中外運同嘉里物流(636)比較，後者大部份盈利貢獻來自物流業務，上半年分部盈利增長18%，佔稅前盈利近六成，基數高過中外運之下，增長仍然跑贏，業務質素高下立見，但嘉里物流年度化市盈率要賣22倍，低毛利業務?講，估值相信已經幾盡，慘在已難搵幻想空間，呢個亦係資金專注炒中外運?原因。
揀嘉里物流定揀中外運？短線肯定係揀中外運，長線?話，路遙知馬力，要揀一定揀有實力?，如果有跌市出現，分注低撈嘉里物流長期持有會係唔錯選擇。
晉佳
本欄逢周三刊登
晉佳
智取大市 - 晉佳 舊文
