智取大市：提防中移幻想破滅
■對住中移動呢類大價股，都係審慎?好。
上兩周港股炒到?烚烚，同時恒指出現?RSI三頂背馳?超買訊號，反映購買力已經用到盡，當時已聞到指數有?味，小弟已叫大家避開大價股，炒嚇細股算數，結果最近個幾星期，港股高位回落過千點。
恒指9日RSI噚日跌到去25.2，明顯低過6月23日?RSI升浪底部34.6，技術指標反映港股已經結束?今年3月到而家RSI一浪高過一浪?形態，加上RSI三頂背馳後，指數往績係叻極要經歷一、兩個月調整期先見底，差?話係步入熊市，就咁睇，指數跌勢仲未完結。好多人估24000點有支持，但相反理論之下，通常都會爆冷，照牌面睇，未來兩個星期，恒指應該會明顯跌破24000點，而家絕非撈大價股?時候。
恒指之前能夠升破25000點，主要係有幾隻重磅股都有重估憧憬，如果估恒指有能力升到至27000、28000點，就要隻隻大藍籌?重估因素同時實現，而家內地經濟已經腳軟之下，談何容易？另外，呢兩日先有中石化(386)混合制改革詳情披露，令市場大失所望，成為首隻重估幻想破滅?大藍籌。上述兩個消息，對市場?講係雙重打擊。
至於中移動(941)，係呢輪升浪其中一隻有重估憧憬?股份，早輪急升，主要因為4G上客好，加上削減營銷成本200億元人民幣?計劃。市場認為，由於內地4G推出，將會刺激用戶?數據用量，重覆類似數碼通(315)2011年復蘇?情況。
數據收入增長難保證
佔中移動收入接近四成?數據收入，上半年增長28%，估計4G會令數據收入增長加快，抵銷話音服務收入倒退因素。但係，?4G未大行其道之下，中移動上半年ARPU(每月每戶平均消費)已經去到64元人民幣，其實已經相當於目前香港4G普及化之下數碼通ARPU?三分之一，可見目前中移動ARPU基數絕非低位，未來數據服務收入增長動力，未必好大。
另外，營銷成本下跌同時，4G使用率又增加，令到網絡成本上升，噚日董事長奚國華就講到今年底要有70萬個4G基站，多過原先預期?50萬個，加上今年資本開支多過去年400億元人民幣，一來一回，整體成本有幾多跌幅，暫時係一個疑問。唔做咁多手機補貼，係咪會令之後4G上客放緩？亦係另一個變數。究竟管理層有信心削減營銷成本，係對4G有信心？定係覺得要削減成本先至圍到一條唔倒退?業績數呢？係後者就弊。
中移動2014年年度化市盈率13.3倍，某程度上反映?盈利即將見底回升?因素，一旦呢個預期扭轉，股價下跌空間可以唔細。晉佳認為，對住呢類大價股，都係審慎?好。
晉佳
本欄逢周三刊登
晉佳
智取大市 - 晉佳 舊文
