中環在線：一田唔吼自由行客
CEO：唔做黃金周推廣唔用簡體字
■莊偉忠話，一田做生意，從來都靠本地客。 
近排日圓跌番?，新鴻基地產(016)旗下一田百貨行政總裁(CEO)莊偉忠話，生意由7月開始都有明顯改善，主要靠香港人使多?錢帶動，同自由行就無咩關係喇。至於零售商最鍾意搞?「十一」黃金周推廣，莊偉忠劈頭一句「無興趣！」重申公司一向主打做本地客生意。
莊偉忠七年未炒過人
莊偉忠話：「我加入一田七年以來，從來無做過黃金周，?家就更加唔會做。我們公司亦規定唔准用簡體字，我相信內地旅客來得香港玩，基本上都識睇繁體字啦！」
莊偉忠一年前接受訪問時，曾經分享過佢?「小學雞管理法」，即係運用父母自幼教落?做人道理去做生意，例如唔好搵同事著數、減少開一些無謂?會議等，贏得過萬網民狂like。
莊偉忠話自己近幾個月，正就呢個題目寫緊本書，已共寫?6.8萬字。
莊偉忠話，自己加入一田七年以來，從未炒過一個人，亦未親自請過一個人，完全用番原有班底改善公司表現。華華都有興趣了解當中竅門。
近排沙田第一城?百佳超市被市民投訴唔夠人手、管理差，搞到居民要發起罷買行動。莊偉忠話行內的確長期唔夠人手，公司會聘請大量兼職補救。
佢話唔清楚百佳有無做到「補救措施」喇，不過就有好多前百佳員工，會過檔去一田咁樣喎！
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
