中環在線：搵私人教練學打拳健身
財金高層男女都操肌
■李文苑(右)跟世界級拳手杜恆霖健身約4個月已初見成效，相對以前只係間唔中行山，精神好?。受訪者提供圖片
行政會議成員陳智思自修操肌超過十年，早排參加泳賽大show四?腹肌，睇到人嘩嘩聲，原來唔少金融界高層都有操肌習慣，仲要係搵私人教練操，好似渣打銀行高層李文苑(Margaret)平時一身貴氣打扮，去到做gym都有板有眼；金利豐(1031)營運總監呂錦傑(Jammy)就坦言因貪靚而去健身打拳。
渣打銀行金融機構業部大中華及日本區董事總經理Margaret經常要周圍飛同客戶開會，原本約定佢上月中影相，佢突然要飛去日本，之後一個星期同佢電話傾偈，佢已經身在台灣，跟住佢又話要飛北京。飛得咁密，邊有時間做運動呢？
渣打Margaret：練腹背肌
Margaret都話，經常出差令到自己飲食好唔正常，加上平時成日坐?辦公室，對住部電腦，膊頭好自然縮起；而且年紀越大，肌肉開始唔夠強，身體隨之而變彎，「有日?街踫見朋友，半年冇見，見對方大隻?，一問之下，原來對方走去跟trainer做運動，於是就走去試」。
Margaret今年7月開始去跟教練健身，每星期兩小時，主要做拉筋，佢希望將背肌與腹肌鍛煉得結實?，最重要係，跟教練學識拉筋動作後，佢出差可以自己做。幾個月下來，佢發覺的確比以前精神?，心情都靚埋。
■貪靚唔係女人?專利，呂錦傑(左)為?身型弗都好勤力練拳。何柏佳攝 金利豐Jammy：想變型?
介紹Margaret去健身?，就係金利豐Jammy。佢今年45歲，去健身中心做運動超過十年，但認真跟教練就係今年3月?事。佢跟?教練先知道，原來之前自己做健身器械完全用錯肌肉，「好似?部夾胸?butterfly機，應該鍛煉胸肌，自己用曬手臂力去夾，做錯都唔知」。
佢現時每星期做4小時健身，大半年減走十磅，?家重143磅，佢坦言，「最想係練出線條，型型?咁」。老生常談係運動有助減壓，Jammy認為都有幫助，有時工作想唔通走去健身兩粒鐘，放鬆心情，工作更快手。佢最近仲踢埋「金勞詹」詹培忠?位44歲?公子詹劍崙入會?。
教練「風之子」每小時收費千元
搵健身教練單對單上堂?學費有平有貴，一般係每小時幾百至1,000蚊，出名?教練每小時兩、三千蚊都有。百利保(617)董事範統出名鍾意打拳，佢與李文苑?教練係世界級拳手「風之子」杜恆霖(Bryan)，Bryan每小時收800至1,000蚊，不過佢現時忙住自己間健身中心?生意，兩年前?中環開地舖後，早排?銅鑼灣再開多間，?家都好少收新學生?。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
