魚樂無窮：尋找下一隻中華汽車
10月7日推介東江集團(2283)，當時1.37元，昨報1.87元，三周累升36%，噚日單日炒高8.7%，完美破頂兼到價，催化劑係大股東李沛良上市後首次?市場掃貨，平均價1.589元，持股量突破六成。低位升?咁多都仲搶？唔使我話你知原因喇?，今次用10倍PE做目標，剛好睇2.2元。
除增持外，回購亦係推高股價?好工具。冷灶股中華汽車(026，中巴)9月起連環回購，之後一個月喪升四成，正宗「一日唔發市，發市當三年」。按圖索驥，另一冷灶股安全貨倉(237)開始異動，值得關注。
安全貨倉上市以來從未曾回購，不過佢同中巴有一個共通點︰禾稈?珍珠！翻查安全貨倉最新業績，手上物業總值27億銀，當中包括位於柴灣及葵湧全幢貨倉，連同淨現金及存款2.3億銀，每股NAV高達22.5元。嘩！現價只得11.28元，豈非半價大平賣？公司本身業務亦四平八穩，貨倉營運及物業投資盈利按年增長25%，最新PE僅7.4倍。
安全貨倉平靚正
大家可能會話，?住舊磚頭唔賣，幾值錢都反映唔到啦！咁?公司位於葵湧?貨倉，正有買家洽購，一旦成事，價值大釋放之餘，隨時派埋特別息，不得了！管理層亦曾表示，不時就出售物業作出考慮，證明售產大門常開。近排成交有異動，唔通好事近？我又唔係老闆肚入面條蟲，點知喎。不過，以其連續十幾年無間斷派息?record，小注買入博大炒，值博率一樣高。
唐牛
https://www.facebook.com/tongcow88
唐牛
魚樂無窮 - 唐牛 舊文
