魚樂無窮：一批CB引發的聯想
股市只有一成人贏錢果然是金科玉律，不是嗎？佔領運動冇和解跡象，滬港通突然冇確實通車時間，問十個九個半都話要跌番一千點先夠皮，點知港股竟然連升兩日，一舉突破佔中前水平，噚日成交仲逼近800億銀，將淡友一舉掃清，問你服未？
究竟係純挾淡倉定係新升浪？試下從另一個角度諗︰近期壞消息較好消息多，挾淡倉理據不充份。如果係新升浪，係邊個買上?呢？散戶現時按兵不動，答案已呼之欲出。
安全貨倉(237)一石擊起千重浪，爆升近兩成後停牌，執筆之時未見新通告，有進一步消息再同戰友通報。今日推介另一隻冷門股中天國際(2379)，一切要由一份通告說起。公司上周二發通告，宣佈向不少於六名承配人，發行總值2,300萬銀?可換股債券(CB)，相當於已擴大股本約9%，換股價1.07元，比起當日收市價還要平11%，消息公佈後一度炒高三成，點解咁勁？憧憬賣盤是也！中天國際主打智能化電子產品開發及銷售，以及物業投資，卻蝕足五年，易手條件已備。再者，最新市值只得3億銀，大股東陳軍持貨逾五成，說穿了又係靚殼一隻。
中天量升價未揚有玄機
近兩日中天成交量以倍數急升，但股價卻未見喪升，完全不符合貨疏價必揚原則，搓波仔味道濃，加少少想像力，話唔定幕後人士正在部署大茶飯，批股？再發CB？仍屬未知之數，但既然已踏出第一步，相信消息會陸續有來，以低於殼價入場，夠曬值博率。
唐牛
https://www.facebook.com/tongcow88
唐牛
魚樂無窮 - 唐牛 舊文
