魚樂無窮：佳景平靚正博彈兩成
港股10月大反撲，全月急彈1,065點，一掃股災陰霾，濠賭孖寶金沙(1928)及銀娛(027)齊齊衝高近兩成，成為藍籌大贏家。主力?澳門搞餐飲及手信業?佳景(703)反跌7%，大有追落後空間，從估值及前景出發，均值得投下信心一票。
佳景最新中期業績賺1.2億銀，按年增長37%，派息亦升兩成，明顯未受博彩業見頂影響，真材實料！但股價卻照被拖下來，因而出現超值價，現價市盈率僅7.1倍，其餘三大餐飲股大家樂(341)、大快活(052)及翠華(1314)平均市盈率達24.7倍，佳景折讓超過七成，平足幾條街。
佳景業績能逆流而上，皆因發展夠多元化，除原有餐飲業外，旗下英記手信亦開始有貢獻。唐牛上月曾到澳門視察，英記旗艦店及分店與大三巴近在咫尺，盡享地利優勢，配合一連串廣告攻勢，料將成為新盈利動力。
業績有保證睇3.6元
除澳門業務外，佳景亦已放眼橫琴及珠海，務求將三區旅客一網打盡，兼可減低阿爺對澳門?旅遊政策風險，高招！公司今年3月批股集資近3億銀，主要用來支付早前投得?橫琴地皮，以便日後發展國際美食廣場；另已在珠海華發商都手信街承租11個舖位，總建築面積達2,268平方米，預計年底前全線開波，加上新賭場六間餐廳亦會在兩年內營業，業績有曬保證。短炒佳景，呢一轉博反彈目標先睇3.6元，屆時市盈率仲係單位數。
唐牛
https://www.facebook.com/tongcow88
唐牛
魚樂無窮 - 唐牛 舊文
