油價量寛
2014/12/09 09:16:50
網誌分類: 經濟
油價急跌拖累美股。美股午後腳軟，杜指最多跌超過150點，尾市喘定，收市17852點，跌106點；標普500指數跌15點至2060點；納指跌40點，收報4741點。三大指數跌幅0.6%至0.8%，最近升得咁多，有輕微調整，好正常也。
美國上週五公佈11月非農就業數據，異常強勁，失業率跌到6年低位，經濟靚仔。股市未有進賬，主要受油價大跌以及中、日經濟數據麻麻拖累。油價同中國股市成為市場焦點，油價狂猛，中國股市猛升，都引起市場注目。
油價昨日再度暴跌4.3%至9每桶63美元邊皮至5年以來最低，今早更失守63美元。昨日的跌幅係今年第三大的單日跌幅。油價急挫，令到油股重創，Chevron及Exxon Mobile分別跌3.7%及2.3%，成為表現第二及第四差的杜指成份股。
國際原油價格昨日之所以大跌。主要原因係科威特國有石油公司行政總裁稱，未來六七個月油價可能保持在每桶65美元附近。此說導致市場認為海灣產油國對目前油價跌勢懶懶閒，一副唔會幹預油價的態度，令到市場對油市的展望更加悲觀，油市呈一邊倒沽貨局面。有分析員指出，「市場一旦陷入跌勢，跌幅通常會遠大過人們的預期。毫無疑問，油價將繼續下滑，所有人都在試圖尋找底部。」大摩下調油價展望，大摩分析師指出，石油輸出國組織(OPEC)不肯幹預油價，將導致原油供過於求的問題持續惡化，油價可能要跌到明年上半年至有機會見底。
油股大跌除了直接油價大跌直接影響石油公司利潤外，經濟困難也逼到好多石油公司要沽出手上的股份套現。NorthCoast資産管理公司交易部門總監Frank Ingarra認為，現在仲有許多人未正式入市。Birinyi Associates公司總裁波利尼(Laszlo Birinyi) 對媒體話，「我碰都不想碰石油股。」
產油國就大鑊啦，如委內瑞拉，95%出口係石油，如今要急急沽出各種資產套現。呢個同美國關係唔好的國家，在油價高企時使大咗，預算赤字急升，本來油價唔跌，佢都要油價200美元先至可以收支平衡，而家63美元一桶，佢差不多要破產，通脹率升到60%!美國媒體好寸，話而家歐、日個個國家怕通縮，可以學學委內瑞拉。該國亦急急向中國借債，話要賣個旅遊島俾中國抵債。佢手持大量多明尼加等國的債券，聯絡高盛要減價沽貨。所以產油國沽乜嘢貨，都要注意。
油價大跌，對其他國家的影響是令物價下跌，加劇通縮壓力，但有益於消費者。好似美國消費者的消費能力大升，刺激經濟，呢種就係石油量寛。美國勞工部上週五公佈就業報告，11 月新增就業高達 32.1 萬人，失業率持平於 5.8%，為 6 年低點。分析師開始預測薪資可望成長，並且建議2015年應該仍以投資股票為主。
《彭博》報導，Renaissance Macro Research LLC 的美國經濟分析師 Neil Dutta 表示，美國勞工部的擴散指數顯示勞動市場復甦的情形正在擴大。更多人就業、時間更長、薪資更高。而日本與歐洲都在為了避免衰退和通膨而掙紮；產油國俄羅斯則因為油價重挫而大幅受創。這些趨勢都加強了美元的升勢、改善美國消費者的能力，又令全球的債券收益率大幅下滑。債券的中長期報酬並不佳，還是只能投資股票。
陸羽仁
回應(4) 我想回應
陸羽仁 BLOG 舊文
