壓抑加息
2015/01/09 09:05:24
網誌分類: 經濟
美股出現報復式反彈，杜指大漲323點，咁搞法好易又試新高。美股之升源於加息預期降溫和油價反彈引起。
聯儲局上日公布上次議息紀錄，顯示聯儲局擔心海外市場的情況，投資者認為聯儲局會放慢加息步伐，而未來幾個星期歐洲和日本公布較差的經濟數據未必係壞事。
芝加哥聯儲主席埃文斯(Charles Evans) 周三晚間在芝加哥大學舉辦的一個活動上發表講話，指美國可能在2018年之前都無法實現通貨膨脹目標，所以建議在2016年之前不要加息。由於埃文斯係聯儲局聯邦公開市場委員會(FOMC)有投票表決權的成員，佢在局內的影響力不容少覷。佢的講話，即時令杜指期貨由跌轉升，帶動美股現貨連續第二日大幅反彈。杜指彈升323點，收報17908點；標普500指數漲36點，收報2062點；納指升86點至4736點。三大指數幅漲1.8%。
杜指收市位17907點，距離上次高位18054點，只差147點，所以美股仍然強勁，唔係咁易深跌。
英國央行昨日宣布，由於油價下跌，使得英國通脹率進一步遠離央行目標，加上去年快速增長的經濟開始出現放緩跡象，決定維持基準利率在0.5厘不變，並繼續推行3750億英鎊的資産購買規模，英國央行符合市場預期，英國股市跳升2.4%。不過，比起歐元區整體股市升幅，仍有一段距離。
市場對歐版量化寬鬆(QE)的預期有升無減，再加上日美國公開聯儲局議息紀錄以及稍後埃文斯的極端「鴿派」言論，刺激歐洲市場投資情緒高漲。歐股大幅抽升，其中德國股市勁升3.4%報，法國仲勁，抽高3.6%。。
美股之所以愈升愈有，除咗歐股發飆，進一步推高之外，與就業數據靚仔以及有零售企業標青有好大關係。繼上日公布的12月ADP私營就業人數增長好過預期後，昨日公布的最近一周首次申領失業金人數減少4000人至29.4萬，係過去的17周中，該人數第16周低於30萬關口，反映就業市場仍然向好。
另外，美國的經濟主骨幹零售銷售，持續有好消息出爐，令市場投資氣氛進一步向好。繼JC Penney上日公布的11月及12月同店銷售都有3.7%的可觀增長後，昨日有一堆零售巨企公布過去兩個月的假日銷售數字，其中全美最大會員制連鎖超市銷售增長了8%，好過市場預期的6.6%，而書店Barnes and Nobles及珠寶店Signet Jewelers分別增長了1.7%及3.6%，另外，包括American Eagle、Aeropostale、 Stage Stores、Cato及 Zumiez等5家大型零售企業除了宣布業績好過預期以外，還上調了第四季的盈利預期。零售業表現之所以咁好，都係拜能源，主要係汽油價格大跌，以及就業得以改善所賜。
而油價都穩定下來，紐約期油微升，布蘭特期油則微跌，油價真係有唔跌都要偷笑的感覺。
大陸股市有少少未調整完之感，可能唔理美股，要反覆調整多一個星期左右。
陸羽仁
回應(3) 我想回應
陸羽仁 BLOG 舊文
