異動空間：齊牌靚殼最好賣
港股淡靜但細價股旺場，殼股更成逆市奇葩，皆因靚殼買少見少，滬港通之後，強國券商為落戶香港幾近「不問價搶殼」，有齊曬本地各類證券牌照的券商，根本唔愁嫁唔出，華富國際（952）買定等佢賣，博羊年第一個jackpot，十級值博！華富業務涵蓋證券、期貨、孖展、企業融資、基金，齊牌的靚殼最好賣。最新市值七億元，減番五億元殼價（應該更高），即業務只值兩億元，對有志在港大展拳腳的內地券商而言，根本平得不可思議，相信等買華富條龍可排幾條街！
去年十二月有消息傳出華富有意賣盤，公司通告字眼更是曖昧，不否認傳聞之餘更表示「於發掘潛在業務機遇之正常過程中，公司可能會不時與其他獨立第三方展開有關可能業務合作及/或投資事項之探索性討論。」這句話在暗示乜？不言而喻。機會是留給有準備的人。華富近年不斷執靚盤數，先賣走泰國業務主攻本港，再進軍商品交易，增添交易賣點。去年削減股份溢價賬，為日後大派股息作準備。上月提早贖回1.2億元票據減債，盤數打掃乾淨，之後會做乜？畫公仔不用畫出腸吧！
魏力
http://www.facebook.com/2012jason
魏力
異動空間 - 魏力 舊文
