中環迷你裙：兩億創板軟件股
■大陸車主越來越多下，會對華普智通的泊車電子付款系統有需求。 資料圖片
一提股票，就算平日非常賢淑的朋友，那深深植根於內心深處的港女因子就此引爆，「每手入場費咁貴，點買呀？升咗咁多，我畏高喎！呢隻咁耐冇行，會唔會有排都唔使行？」一諗再諗，終於
有辦法滿足三個願望，中保監擴闊境外投資範圍，創業板絕對是衝浪者的天堂。
創板股匯財軟件（8018）搞互聯網金融平台，周二單日勁升1.23倍，市值突破100億元，PE逾千倍！阿爺未開閘，紅色資本用行動來個下馬威。
Samantha鬥膽推測，北水湧入這浪，市值低於三億元的創仔將會消失，走互聯網科技概念股率先出閘，升幅按每一成作量度單位，包括華普智通（8165）。
Samantha在軟件開發板塊作統計，市值低於三億元的創板股少過十隻，它們共同點是太多特色，業務搵唔到重心其實幾難炒。華普智通做泊車電子付款系統，大陸城市逐步智能化，車主越來越多下，需求有增無減，但市值只係兩億幾。
華普智通去年蝕1,000萬人仔，蝕錢金額四年來最少，毛利率顯著增加4.6個百分點至33.7%，乃業務復蘇好兆頭，舊年先二供一，集資總額3,226萬元，再抽水機會微，供股後跌至0.08元後築底，成交近日蠢蠢欲動，一旦北水湧入，爆發力十足，首站0.18元。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文
