異動空間：一放絕塵勿錯過
大時代兩個月，爆升一兩倍的股份有如恒河沙數，搵隻未升過都難。Wait，魏力真係搵到隻一路完全未行過、昨日剛起第一棍的股票，仲係細細隻、業績剛谷底翻身、有息派、全方位食正環保大國策的瑰寶，有請泛亞環保（556）！
「去年業績轉賺2,836萬人仔，仲派2仙息，股價
都可以唔升，係咪堅掂㗎？」這屬合理懷疑，但請移玉步望嚇早排推介的光滙石油（933），悶走曬散戶後開車，半個月飛升一倍。大時代仍應升不升，股價一條橫線，極可能係大戶幕後部署大茶飯時刻意低調之故，直到昨日一飆就17%，之後會點？梗係光速追番呢兩個月的升幅啦！
講番四瓣業務：空氣脫硫淨化、汙水處理、低碳環保的「木絲水泥板」，以及高速公路的隔音屏障，正中國策紅心。最具潛力的木絲水泥板，毛利率50%，用來起樓、起橋、起路，均具防火、隔熱、吸音、防潮之效，勢將廣泛採用。估值方面，PB剛好1倍，同業皆由3倍起跳，以三折買北水至愛的細價股（市值17億元），仲要剛開始升，值博率絕對是12粒星！首站3.5元，下周除淨收埋2仙息。
魏力
http://www.facebook.com/2012jason
魏力
異動空間 - 魏力 舊文
