異動空間：暴力救變暴力掟
相信經過昨日大跌市，大部份人（包括魏力）都會問，中港牛市是否玩完了？先睇A股，阿爺高呼萬億暴力救市，未能恢復市場信心之餘，只淪為大媽的最後逃生門，結果滬深股高開7%後，深股由頭隊到尾，滬股亦只靠護盤大軍狂掃幾隻重磅股，才能保住2%升幅，最多只屬慘勝。但如日花數
以千億元，A股氣氛仍愁雲慘霧，指數升而千股跌停，散戶冇信心再入市，不過是吊鹽水罷了。有戰友總結昨日為「救市成功但A股死了」，可說一語中的。
A股暴力救，港股就暴力掟，恒指25000以上的所有裂口已悉數回補，即市更一曾跌穿牛熊線24868，細價股市場更儼如煉獄，莊家熄燈股仔free fall，港交所（388）喪插近一成，真係冇眼睇！但拉遠恒指幅圖，其實仍穩守2011年歐債危機以來的升軌，尚未確認轉勢。後市除要睇A股走勢、美國加息預期外，亦要睇希債問題仲有冇彎轉，如希臘真係脫歐，其他歐豬國家隨時有樣學樣，齊齊賴債，屆時問題就一發不如收拾了。個股一片頹垣敗瓦，唯獨華夏動漫（1566）有強莊護盤，不妨望多兩眼。
魏力
http://www.facebook.com/2012jason
魏力
異動空間 - 魏力 舊文
