魚樂無窮：半冷新股蓄勢起飛
■英超大戰，阿仙奴三比零KO死對頭曼聯，清脆利落。 資料圖片
英超大戰，阿仙奴開波初段，閃電式連入兩球，埋單三比零KO死對頭曼聯，清脆利落。放諸近日市況，竟有異曲同工之妙︰上星期五好友展開猛烈攻勢，兩日下來進賬千點，完美擊退淡友。
facebook即市推介
東南國際（726），埋單只升4%，同系中國七星（245）卻炒高三成。兩家公司均獲中民投入股，作價分別為0.2元及0.19元，以昨日收市價計，東南較中民投入股價高1.8倍，中國七星高6倍，從追落後角度睇，東南國際值博率極高，有跟進嘅戰友不妨坐多一會。
八字頭新股炒到癲，主板新股一樣有好嘢，只待伯樂發掘。中智藥業（3737）主要產銷中成藥及保健品，另亦經營零售連鎖藥店，7月上市後於招股價水平浮沉，卻明顯較同期上市、潛水近三成嘅百信（574）好得多，印證幕後人士實力強橫。集團最新公佈，與海王星辰及益豐兩大內地連鎖藥店龍頭合作，核心自有品牌「草晶華」破壁新型飲片，將於海王星辰及益豐旗下逾2,800個銷售點上架開賣，1+1威力遠大於2。中智中期盈利增長三成，現價年度化市盈率13倍，基本因素靚仔。兩大股東持貨逾七成，餘下街貨差不多全在十家券商手上，炒作條件足夠！噚日突然抽高4%，話唔定聰明錢已殺到，半冷門發威非同小可，各位戰友埋位喇！
唐牛
https://www.facebook.com/tongcow88
唐牛
魚樂無窮 - 唐牛 舊文
