國家隊又來
2015/10/22 09:11:14
網誌分類: 經濟
重陽假期間美股連續兩日小幅回吐，昨日杜指小跌0.3%，標普500指數下滑0.6%。美股昨日續跌，除了雅虎公佈的季度營收和獲利都不及預期，股價勁跌5.2%，主要仲係醫藥股Valeant Pharmaceutical勁挫，
拖累整個藥業板塊，亦打擊到市場的投資氣氛。
不過仲係大陸股市得人驚少少。重陽節內地股市照業營業，但不但無「登高」，仲走落深谷，上證綜指下滑3.1%，收報3321點。兩市成交11720億，沽壓都幾沉重。內地經濟環境未見起色，股市都係以反彈市為主，升得咁上下，回吐一下，都好正常。不過，回吐幅度大咗啲，反映市底仍然比較弱，市場氣氛比較緊張。
昨日大陸下插好可能同查融資有關。融資和融券餘額在周二升至9,931億元，中證監將再查期指違規配資，可能就是跌市元兇，融資盤急急走避。內地《證券時報》引述上海一間期貨公司高層話，公司接到通知，監管部門將在下星期進入公司核查違規賬戶及外部接入端口。市場聽到此消息有少少風聲鶴唳。
昨日A股在下午之後才暴跌，不過又出現疑似國家隊手影，托住權重金融股，令它們在尾市大幅抽升，工行（1398）A股更曾經漲停，結果收市升6%，而尾市成交量亦大增，工行A股臨收市前5分鐘成交量高達9,945萬股，佔全日成交25%，其餘內銀股也有類似價量齊急升的情況，如農行（1288）A股收升1.6%，中行收升3.1%。內銀尾市大漲，帶動滬綜指3300大關失而復得。內銀尾市咁升法唔正常，除咗國家隊諗唔到邊個會咁買股。
從呢啲走勢可見，阿爺一見融資升就查，唔俾孖展太顛，但跌得多又托，唔俾佢暴跌。預料港股今日會跟跌，但又唔會插得太傷。
另外講?昨日大跌在美國上市的加拿大藥業公司Valeant Pharmaceutical，近期可以講係屋漏逢夜雨，此前被傳媒爆出喺收購咗兩隻治療心臟藥物Nitroress及Isuprel?當日，隨即將售價分別狂瘋提升2.1倍及5.3倍，市場嘩然，搞到民主黨總統候選人希拉莉話要立案調查，股價開始由兩個月前高位257.5美元見頂回落。
週一Valeant公佈業績，第三季盈利倒退82%，週二股價跌至146.74美元，已經較高位唔見咗跌43%！昨日，專門從事沽空?Citron Research發報告指控Valeant在會計上造假，股價隨即大幅下滑至88.5美元，股價半日內唔見咗近四成！市值蒸發咗96億美元。全靠對沖基金經理Bill Ackman午後表示增持約200萬股Valeant的股票，跌幅才續漸收窄，收市報118.61美元，但仍跌19.2%。不過，睇Valeant期權交易數字，市場預期Valeant一月期權屆滿時，股價比現時股價會再跌一半！即係唔使60美元，就有交易啦。呢啲藥股，真係狂升暴跌。
陸羽仁
回應(3) 我想回應
陸羽仁 BLOG 舊文
