中環在線：趙海珠有喜
陀女4個月
■趙海珠好快會為仔仔Hayden生個妹妹喇。 受訪者提供圖片
前輪後趙海珠（Alison）又懷孕了。Alison嘅大仔陳彥熹（Hayden）就快3歲，Alison較啱時間生第二個，等阿仔有個伴一齊玩，佢今胎應該係女，仲可以湊夠一個「好」字，認真要講
句恭喜曬。
■趙海珠喺fb宣佈就快又做媽媽。 fb宣佈喜訊
Alison噚日喺facebook自爆「見住自己越來越圓潤，我忍唔住要宣佈……我又要做媽媽了」，華華其實都有一段時間冇見過Alison，噚日佢話已經懷孕4個月，開始有包包面，又有少少見肚，所以主動話畀大家知道。
大家都知，大肚婆嘅飲食習慣會改變，例如平時唔鍾意食嘅嘢，大肚時忽然會好想食。Alison都有類似情況，佢舉例話，自己平時唔多食肉，上次懷阿仔時，特別想食牛扒與腸仔；今次懷阿女，就好想食酸、辣食物，都幾有趣。
34歲嘅Alison一直被公認為好命水嘅女人，佢大學畢業就做新聞主播，6年後轉行做輪後，順風順水。2011年佢嫁畀商人老公Vincent，2013年初生完仔之後，就冇做輪後，後來去咗恒地（012）一段短時間幫手賣樓，舊年開始專心湊仔，𠵱家主要喺dbc數碼電台兼職做財經節目，每星期一至五只返朝早時間；平時佢得閒又會接job，好似做記者會司儀、產品代言人之類。呢種生活應該都幾唔錯。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
