高盛跌眼鏡
2016/05/17 09:03:49
網誌分類: 經濟
蘋果股價大漲，加上油價續升，能源股造好，推動杜指升175點，收報17711點；標普500指數升20點，收報2067點；綢指升58點至4775點，三大指數升幅大約1%。
拉動杜指向上的主要火車頭係蘋果公司，股價昨日升超過3
.7%至93.88美元，係3月以來最大的單日升幅，不過，比較52周高位的132.97美元，股價仍然大跌29.4%。蘋果昨日之所以大反彈，主要係紐交所昨日披露股神的巴郡增購1億美元的蘋果股份，消息令到蘋果股價大幅反彈。
上個月，蘋果大股東之一的億萬富豪Carl Icahn表示已沽清手上的蘋果股份，而巴郡則調轉來做，積極增持，今年首季至今，巴郡已買了980萬股。不過，有消息指今次決定加大投資蘋果的不是股神巴菲特本人，而係巴郡的兩名投資經理Todd Combs及Ted Weschler。另外，巴郡又增持IBM接近20萬股至8120萬股。IBM股價昨日亦升1.2%至149.46美元。
美股昨日表現最好的板塊係能源股，主要係受到油價持續造好帶動。紐約6月期油昨日再漲3.2%至每桶47.72美元，創了自去年11月3日以來新高，推動油價爆上的主因係一直睇淡油價的高盛，昨日發報告話由於最近的加拿大大火和尼日利亞爆炸，導致的原油供應驟減，供過於求已經「逆轉」。
高盛分析師在最新報告中《基本面波動令油價再平衡平添變數》中表示，「原油市場從儲量接近飽和，變到供不應求的轉變遠比我們此前預期的要早出現。」市場很可能於5月陷入供不應求的局面，影響將貫穿至整個下半年。因此上調上半年和年底的紐約油價預期至45美元和50美元。將2016年全年的平均油價預期從每桶38.4美元上調至每桶44.6美元。不過，由於上述兩個因素會逐漸平復，以及油價回暖後全球產量持續增加，高盛依然認為油價長期熊市格局並未改變，將2017一季度的預期從55美元下調至45美元。
高盛此前一直睇淡油價，但油價不跌反升，如今借森林大火同炸彈轉軚，改為話石油「供不應求」。
高盛日前公佈業績，第一季認真唔掂，盈利按年下跌超過一半，營收更係4年多以來最差。平均股東權益報酬率(ROE)為6.4%，按年減少14.7%，凸顯高盛面臨的挑戰。
其實，睇高盛今年對市場的預估跌曬眼鏡，就知道業績肯定唔得。高盛除咗睇淡油價外，一直以來睇美元大漲，認為會升到與歐元平水即1兌1或更低的水平，但歐元今年已升了4%，高盛近日突然要改口，將歐元兌美元目標調高到1.05美元。其實高盛睇錯市唔止一兩單，佢去年底建議投資者今年的六大頂級交易，包括1. 買美元兌歐元、日元交易； 2. 買美國10年期通脹掛鈎國債收益率；3. 買入墨西哥比索和俄羅斯盧布/沽空南非蘭特和智利比索；4. 買美美國銀行大盤股指數；5. 押注意大利和德國的長期利差收窄。唔夠兩個月，呢5項投資都觸及止蝕以虧蝕離場，而第6項，買入新興市場非商品出口國一攬子股指、沽出新興市場50大銀行股，算係有約4%斬獲，但亦於3月時關閉了。即係話，建議的今年6項頂級投資，全部睇錯曬，係近幾年非常鮮見。
不過睇番高盛過往的預估成績，其實認真唔弱，2015年，高盛六大頂級交易中只有兩項出現戲劇性虧損，2014年有四項獲得不錯收益。
《金融時報》的點評指出，高盛咁權威性的投行，都大失所望，可見當前金融市場幾咁動盪，要作出方向性的預測，難度好大。
今年金融市場開年已經不利，全球多個股指跌幅在第一周就創下歷史紀錄。開年第一周，日經225指數更是創60餘年來首次開年五連跌局面；美國三大基準股指在第一周的跌幅在6%至7.5%，成為美股有史以來最差開年；加上A股滬指新年第一周的跌幅近10%，讓覆蓋多個發達和新興市場的MSCI世界指數（MSCI World Index）至1月8日下跌6.09%，表現之差十年不遇。
唔止年頭咁差的環球股市表現，係唔係影響咗聯儲局加息決定，結果美國加息不如預期。而高盛好多估計都建基於美元升、商品跌的前題之下，但事實卻是美元跌、商品升，所以高盛才中招。
陸羽仁
回應(3) 我想回應
陸羽仁 BLOG 舊文
來源 source: http://blogcity.me
