Can Bank：買韓劇不如拍新片
■Netflix自家製美劇廣受好評，開拍多些新片比起買韓劇，或能贏得更多用戶。 資料圖片
比起哈韓，筆者更崇洋，起碼Netflix進軍香港之後，筆者只考慮兩日，就決定每個月付出78元成為用戶，至於近期熱爆的Viu，筆者則在《太陽的後裔》熱播後
才下載到手機。而Viu收費計劃推出至今，筆者一直是考慮完之後再考慮。
雖然只是8元，不願意付出原因之一，當然是與免費版本未有太大差別，只是下載影片數目有限制，加上韓國電視劇網上資源氾濫，所以8元遲遲未付。而樂於付出78元睇Netflix，主要是因為唔畀完全無得睇，而網上資源亦欠奉。
經過幾個月，筆者花在Netflix的時間越來越少，因為Netflix的影片，除自家制之外，相對較舊。相信這亦是Netflix在首季國際市場用戶大增逾400萬戶之後，次季預期新增國際用戶只有200萬戶的原因之一。未知是否為迎合越來越多人哈韓，Netflix越來越多韓劇，甚至有一個section係韓劇，不過並非新片，亦多為不知名的劇集。
眾所周知韓劇在香港市場早已「爭崩頭」，Viu本身已經以韓劇作為賣點、myTV Super亦有韓劇頻道，何況要睇韓劇根本唔會揀Netflix，Netflix與其買韓劇，倒不如拍新片，其自家製美劇屢有佳作，如《夜魔俠》、《紙牌屋》等。開多兩套美劇，或在港開套新劇，或更能帶出話題以贏得更多用戶。
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com
