一路一帶：Apple Pay搶生意
但八達通不怕？
■八達通曾推出P2P「O!ePay」，但筆者試用後感覺「嘥氣」。 資料圖片
Apple Pay千呼萬喚終於登陸香港，本地總共有7間銀行提供服務及優惠，新聞鋪天蓋地，有銀行選擇登記就送20元，亦有銀行回贈150元，雖然金額不多，但因為
iPhone在香港擁有龐大的使用者群，並非Tap& Go可相比。
筆者與一眾朋友試用Apple Pay，發現登記方式非常方便，不足一分鐘已完成簡單程序，極之user friendly。其實本港電子錢包一向未成熟及普及，八達通則一直壟斷了整個市場。事實上，八達通當年推出時，曾經相當震撼，其快捷便利成為其指標，多年來未有積極利用自身優勢去擴展電子交易平台、用戶及方式，大家只會記得八達通出賣「日日賞」資料，勁賺4,400萬元。現時Apple Pay已正式加入戰場，八達通到底如何迎戰？
八達通今年初曾推出八達通P2P「O!ePay」，但試用後感覺三個字──「嘥氣」。首先，安裝後竟然冇得即刻用！喺呢個秒秒鐘幾百萬上落嘅年代，你要我裝完個Apps，仲要開咗個人八達通，又要再交多次地址證明、身份證副本同個人資料做申請，仲要等3個工作天，咪玩啦！就算你有耐性做足手續，其實都唔一定可以即用，首先你要有NFC功能，同時又要開渣打銀行戶口，連結至「O!ePay」戶口，而且要用電腦進行申請手續，唔可以用電話進行，簡直係災難，真係八達通有錢，但八達通花不了。
話分兩頭，今次各大本地銀行都喺首日同步推出支援Apple Pay，但另一間出名走得最前，又多著數優勢嘅東亞銀行（023）竟然冇份！唔通因為股東內訌事件，搞到東亞好似《寒戰》咁，淨係忙住要對付自己人？難度寶Baby心裏有苦，但寶Baby不說？
斯郎
https://www.facebook.com/oneroadonebelt/
本欄逢周四刊出
斯郎
~TITLE_S~一路一帶 - 斯郎 2016年7月21日 舊文
來源 source: http://hk.apple.nextmedia.com
