油價美元互搏鬥
2016/08/02 09:21:11
網誌分類: 經濟
香港打風今日上半場無市。外圍油價危危哋，上個月美國油井增加數目係兩年以來最多，再加上石油出口國組產油量上升至歷史新高，油價受壓，紐約9月期油昨日一度跌至39.86美元，失守40美元重要關口，收市勉強企於40
美元上方，收40.06美元，跌3.7%。
油價從高位回落20%，技術上先進入熊市。值得注意的是原油期貨拿淡倉增加而好倉顯著減少，反映市場對紐約油價的未來前景唔睇好，順勢炒落嚟，40美元大關估計守唔住，分析員估計油價下一級支持位係36美元。
紐約油價10日內由46.5美元下滑至40美元，加拿大滿地可銀行（BMO）的首席投資官Jack Ablin表示，油價由50美元跌至40美元，顯示油市已經進入熊市，他警告市場可能需要重新考慮油價會唔會跌返去今年初時的30美元樓下。我估油價會唔會破底，和美元走勢亦有關係，若美元再急升，油價的壓力較大。
油價持續弱勢，油公司唔得，又令到市場對油公司出現財困將拖累銀行，能源股及金融股受壓，成為拖累美股，特別係杜指的元兇，因為美國「兩桶油」Chrevon及Exxon Mobil及幾大銀行股都係杜指主要成份股，「兩桶油」昨日就齊跌超過3%，而高盛及摩根大通亦分別跌0.4%及0.3%。杜瓊斯能源指數及金融指數齊齊走低。
另一方面，科持股特別係蘋果公司與生化股近日卻持續有好表現，蘋果昨日升1.8%，而安碩納斯達克生物化學股票基金（ iShares Nasdaq Biotechnology ETF）昨日就齊升1.5%。令到美股三大指數出現各走極端的奇怪現象。杜指昨日再跌28點，收18405點，係第六日下跌；而納指升22點至5184點，連升6日。標普500指數微跌3點，收報2171點。
油價近排係咁滑，不過市場氣氛又唔似得年初咁驚惶失措，股票恐懼指標VIX指數長期保持有12的低水平徘徊，股市亦跌唔落去，基本上在高位橫行。相信與美企派出的第二季業績成績表唔錯，對大市造成支撐有關。
資料顯示，截至上周五，63%的標普500企業已經公布業績，平均每股盈利增長雖然由對上一周的1.39%下滑至0.87%，但相對於第一季度已經有好大進步，當時係負2.64%，反映美企盈利已經由第一季度觸底，意味著今年下半年的盈利會更加好。The Earnings Scout的行政總裁Nick Raich在給客戶的信中表示，對於美股現時的價格，今年第二季發生的事件已經沒有關係，而今年第三季的美企盈利預期才比重要，暗示對後市仍然頗為樂觀。
不過，亦有分析認為美股後市得唔得，今個星期五公布的7月非農就業數據係重要的催化劑。特別係上周公布的美國第二季GDP增長數字令人失望，顯示美國經濟唔係大家想像的這樣好。7月非數就業數字將會確認美國經濟是否健康得足以讓聯儲局可以更快地加息。柏克萊銀行環球外匯及利率策略師Andres Jaime表示，6月非農就業增長數字非常理想，不過，非農就業數字三個月平均增長起碼要達到15萬個，才足以讓聯儲局將加息放回9月的會議桌上，5月的非農增長只有3.8萬，6月有28.7萬，即係話，7月最少要有12.5萬的增長，才有15萬的平均數。
市場目前的焦點仍然係美企的業績表現，當去到星期五，到時已經有八成的美企公布了業績，已經公布得七七八八，估計焦點又會返番去美國勞動市場表現同聯儲局幾時加息之上。
陸羽仁
回應(0) 我想回應
陸羽仁 BLOG 舊文
來源 source: http://blogcity.me
