趣BLOGBLOG：
東九地皮十九年前的「儍」事
■1997年黃月鶯投得東九龍地皮，因未能交出定金本票，政府破天荒收回地皮。及後黃婦證實有精神病紀錄。 資料圖片
東九龍啟德地皮，剛獲中資海航集團以高估值上限近一倍投得，每呎麵粉價1.35萬元，較部份早前新盤啟德一號呎價更高。
一聽到這個消息，下意識叫了一句：「儍的嗎」？
十九年前，東九龍一幅地皮亦出現似曾相識的畫面。當年是1997年10月14日，一名53歲、名叫黃月鶯的婦人，自稱代表長實李嘉誠，出現賣地場上。到了第三幅九龍灣商貿地皮拍賣，這位貌不驚人的中年大媽出手了。地皮底價5.6億元，先由嘉華承接、信和及興港集團其後加入戰團，而黃月鶯亦頻頻舉手出價競投。
叫到八億元時，信和黃志祥一行人發現情勢有異，遂拉隊離場。最後只剩跟過超人的興港集團周年茂，一直陪黃婦玩落去。到了黃月鶯叫到八億九千萬元，早一口叫八億八千萬元的周年茂亦放棄。
投完之後，黃婦因未能交出定金本票，被警方拘留，政府亦破天荒收回該地皮，及後黃婦被送入醫院，警方隨後證實她有精神病紀錄。
十九年前，儍婦大鬧賣地場，以高底價六成奪得東九地。十九年後，東九啟德地皮以「儍的嗎」天價被中資奪去。儍婦有病，叫了冇錢畀，冇損失。海航集團畀完訂金，啟德地成為新指標、新市價，全港睇好，二手封盤、一手加價可以想像。香港物業市場將迎來最後的瘋狂。
啟德地皮三、四年後賣幾錢，估唔到，亦無謂估。但儍婦收回的地皮，半年後以招標形式重新推出，結果由楊釗兄弟以3.61億元投得，較97年成交價大跌六成。
歷史未必重演，但當人人都將儍事合理化，樓市轉勢很快在眼前。
股榮
https://www.facebook.com/stockwing1
股榮
趣BlogBlog - 股榮 舊文
來源 source: http://hk.apple.nextmedia.com
