智取大市：低位買樓有氣質
■喺樓市低潮買樓，比起高追遠遠值得表揚。 資料圖片
當大家質疑買新樓嘅杭州女仔有冇氣質時，另一位年輕買家以一臉勝利者姿態接受傳媒訪問，一星期前更有人發表「買樓要識投胎」怪論。好明顯，買家都覺得，自己上到車就贏曬。買幾百呎嘅樓，同買日用品或名牌產品好唔同，所附
帶嘅奢侈品效應會隨時日而轉變。
經濟低谷時，落街買厠紙係唔會俾人笑，買Hermés袋一樣能引人葡萄，但樓市低潮買樓，會俾朋友質疑：「話你硬膠驚你嬲，係我就出年嘅出年先買，到時會再平啲。」買樓會變成自貶身份地位嘅一種行為，畀錢消費卻有一種輸嘅感覺，所以呢個時候，樓賣得特別平。
買樓當作奢侈品呢種風光，係屬於所謂有能力、有意或無意的炫富者，呢班往往係高位入貨的豪爽好友。真正嘅勝利，其實係屬於低買、高賣嘅沉默一群人。經濟低迷、樓市谷底時消費、買樓，等於為經濟雪中送炭，甚至提升就業，功德無量，古語有雲「救人一命，勝造七級浮屠」，今有「低位買樓，勝造七級浮屠」。
喺樓市瘋狂時上車，一句「自住需要」振振有詞，便能為高追護航，但同時為樓市推波助瀾、火上加油。由此睇嚟，低買嘅人，比起高追遠遠值得表揚。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
