智取大市：
新春突爆兩隻鑊
■特朗普效應減弱之下，美股下跌空間不遜於上升空間。 資料圖片
新春長假期間，有兩單突發嘢，兩單都唔少嘢，恐怕令港股由天朗氣清變為烏雲密佈。
第一單，傳聞肖建華被帶走。外界稱肖建華為千億莊家，同「鋤Dee會」亦有合作開，影響股票範圍可以有幾闊，難以估算。本來肖
建華長期寄居喺四季酒店，但旗下明天系發表官方回應話老闆「國外養病」，真係越描越黑，等於話你聽短期無法蒲頭，搞到外界估估嚇，對市場衝擊未必十分大，但不明朗因素有排未clear，都夠棘手。
第二單，特朗普上周五簽署行政命令，禁止七個伊斯蘭國家公民入境，引嚟極大反響。特朗普上任唔夠半個月，遇到首個重大政治阻力，稍後自然一不離二，特朗普效應減弱之下，道指由萬八升到二萬，回吐至少一半亦合理不過，若市場悲觀起上嚟，甚至跌更多。美股下跌空間不遜於上升空間，弱勢港股更難談得上有防守力。
港股突然變得前景不明朗，好就好在大戶、基金喺高位冇走過，大把貨在手，就會製造一個較佳exit位嚟逃脫，星期三開市估計會守秩序地開出，未必會大幅裂口低開。結論：兩項新嘅不明朗因素有排未clear，倉位隨住信心而削減，似乎大有必要。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
