笑到最後：
彩星玩具盈警分析
■忍者龜公仔
去年11月21日，本欄以題為「不問價追彩星玩具(869)」，推介日開市價為1.23元，期內最多升33%至1.63元，上周二，該股發盈警，股價周五收報1.27元，至今僅升3.3%。坦白講，發盈警係意料之外，因為當日推介有兩個重點：一、估計忍者
龜玩具隨黑色星期五及聖誕銷情好，下半年有盤靚數；二、主席陳俊豪及其兄長陳俊懷官司，似有爭產味，估計有人會維持高派息先行落袋，以免日後爭家產時人財兩失。
盈警通告顯示，預期於截至2016年12月31日止年度的收入約港幣9.93億元，按年跌36%；預期純利1億元至1.15億元之間，按年跌63%至46%。彩星玩具自2012年藉忍者龜翻身，原預計去到今年2月26日先播完嘅忍者龜電視第四季可刺激銷情，即使第五季預計會喺3月底推出，但好遺憾數字顯示忍者龜已無力支持彩星玩具盈利。
至於孫柏文提出嘅百獸王Voltron，大致上百獸王喺美國係最新受歡迎卡通，但通告預測嘅純利數字唔覺對彩星玩具有幫助，惟一疑點就係純利跌得快過收入，部份資金或投資新產品，高明相信機會唔大。
至於第二點，維持高派息落袋。管理層最先於11月14日約1.2元水平接連回購，亦都係呢個原因令高明留意呢隻股票，其後股價被炒起，回購暫停。但管理層卻喺1月時以1.4至1.43元水平繼續回購，並且註銷股份，理論上可以令每股派息數字更好，實際上要睇派息水平會否維持，去證明管理層有誘因將4蚊配股時所得派返落袋。
公司現金有10.5億元，接近冇負債，現金資產加埋殼價，每股應值1.42蚊，某程度上同1月回購時相若。所以盈警結論係：一、只要公司維持派息水平，現價應近見底，發盈警翌日股價低見1.21蚊反彈足證明，現水平對本欄忠實讀者而言，大約係持平或者有輕微水位；
二、冇憧憬一樣唔會升，忍者龜已經玩完，如果業績冇任何言論或數字證明百獸王銷情理想，即是增長無法承接，可以同隻股講拜拜。
三、至於賣殼，冇理由隻股唔升夾硬堆砌理由繼續持有，所以不在本欄分析範圍內。
高明
http://www.fb.com/bigricetea
本欄逢周一刊出
高明
笑到最後 - 高明 舊文
來源 source: http://hk.apple.nextmedia.com
