女神tea time：
尋找落後資源股！
■內地積極整頓稀土行業，對現時大型稀土企業當然係最有利。 資料圖片
新一年，先祝大家財源滾滾！炒股得心應手！龍過雞年！中央講到明，今年要加大力度落實供給側改革，所以急於去產能嘅資源股近日持續強勢，水泥、鋼鐵股新一年認真魚魚得水！
資源股入面，當然仲有啲值得追落後，是日推介中國稀土（769）。中國央視近日播出節目，講稀土行業良莠不齊，令價格白菜價都不如，所以有必要整合！連央視都關注，大力整合之路還會遠嗎？
地方打擊稀土違法違規，俗稱「打黑」行動持續進行，上年12月至今，江西、上海、福建、湖南、山東、四川等省市，先後按照工信部等八部委，聯合展開稀土「打黑」；山東、湖南等省份，更加提出建立稀土行業「黑名單」制度。內地積極整頓，對現時大型稀土企業當然係最有利。
另外，第二輪稀土國儲招標上月結束，中標價格和數量均高於第一輪。過完農曆年，國儲中標後開始交貨，同時市場下遊需求回暖，對稀土價絕對係好消息。
雖然公司至今年6月底止中期業績，都要輸4,710萬元，不過其實比起2015年，當時半年蝕9,497萬元，情況已經大為好轉。現時稀土價好消息接連出現，加埋資源股當炒，股價早幾日衝上去，逼近2016年4月高位，現時可以先落注博佢破位。
Fifi
http://fb.com/lovefrystock
本欄逢周五刊出
Fifi
女神tea time - Fifi 舊文
來源 source: http://hk.apple.nextmedia.com
