中環在線：陳德霖巡銀行同任總爭曝光？
■東亞太子爺李民橋（左）向陳德霖介紹視像櫃員機。
市民成日埋怨銀行分行少，尤其係偏遠地區，金管局總裁陳德霖噚日就落區巡視天水圍北3間分行，跟teller姐姐同存戶吹水，了解情況，下午金管局就出新聞稿。咁快手，唔知係咪想同逢星期四出blog嘅金管
局前總裁任志剛爭曝光率呢？
日走三場 同teller傾偈
陳總呢轉出巡，主要去咗3間分行，首先係去咗東亞銀行（023）開咗冇耐嘅智能理財分行，研究部視像櫃員機（i-teller），拎起埋個電話遙距同mon入面嘅男teller傾偈，東亞太子爺李民橋陪伴在旁做介紹，幾專業。
然後，陳總轉場去建行亞洲分行，聽高層介紹分行、業務發展，做完正經嘢，就開始撩女仔……講笑箒，佢其實係同女teller了解分行服務情況箒。
陳總最後去咗渣打喺天水圍北新開嘅分行，渣打幾位高層全部出動，包括香港區一姐禤惠儀。陳總都係同客人傾偈，仲了解咗分行特設嘅傷健人士櫃位，臨尾同成班職員selfie咗張大合照先走。
其實陳總今次係想話畀大家聽，金管局重視銀行照顧弱勢社群嘅需要，所以先至大熱天時一日走幾場。至於點解會揀喺星期四出呢篇新聞稿，陳總仲要張張相都影得咁靚仔，擺曬pose咁，係咪想同任總搶曝光率呢？真係陳總先知了。
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com
