走勢淩厲！
唐牛：唔買騰訊 好易跑輸大市！
蘋果直播財經遊戲節目《瑞銀呈獻：股票傳心師》星期四又再開鑼！
昨日由盧卡股主持，請來嘉賓專家唐牛，新股易鑫（2858）昨日跌穿暗盤的10.5元，唐牛認為抽新股的朋友應盡快食胡：「以我嘅經驗，新股唔應該同招股價比較，係同暗盤價比較，如果掛牌價低
過暗盤價，呢隻股通常都冇運行。」
前日公佈業績的騰訊（700）昨日表現靚仔，再升2%，突破390元。
唐牛認為今年錯失騰訊的投資者，將會跑輸大市：「無論你係咩位沽騰訊，都係低位！」至於近日大升的鴻騰（6088），唐牛則認為6.4元應該要食胡：「現價要買有啲難，升到呢個位要調整嚇，等佢回啲先買。」
昨日另一重量級嘉賓，瑞士銀行亞洲股票衍生產品銷售部董事林嘉麗，她亦認同唐牛講法，認為騰訊都幾難跌：「今年基金都揸爆倉，只要騰訊回少少，就會買返，所以要跌都有難度。
她留意到較多資金流入騰訊call，推介18396，有效6倍槓桿。騰訊牛證方面推介69802，槓桿27倍。
內險股方面，昨日推介平保（2318）call，林嘉麗表示：「過去幾日有2.6億資金流入平保call，係我咁多年經驗以來最多。」推介18430，槓桿7倍。至於其他內險股方面，她認為中國太平（996）表現跑贏整個板塊，推介18814。
盧卡股極力要求其推介吉利（175）Call輪，林嘉麗推介17638。
最後，兩位主持昨日並無就實倉買賣，目前仍持有中海油（883）及中興（763）。
魚樂無窮 - 唐牛 舊文
來源 source: http://hk.finance.appledaily.com
