一路一帶：海南島升呢之旅
■神州半島淡季完全係死城。
習近平早前突然公佈，要將海南島「升呢」，「打造」成另一個自由貿易區再加體育博彩娛樂區。習近平終於啟動鄧小平未完成的目標，不過海南究竟是否值得投資呢？筆者家鄉就係呢個旅遊小島，在此同各位分享嚇經歷。
海南省有兩個核心城市，有港人熟識
嘅旅遊城市三亞，同埋主要港口海口，三亞對住南中國海，海口則係湛江市南面。從港人的投資角度，海南去年推出新一輪限購令，暫停向擁有一套房的非戶籍居民出售新建商品住宅，居民家庭喺三亞市買第2套商品住宅，首期要五成，其他市買第2套，無樓按的話可以四成上會，有樓按或其他貸款則要五成，買第3套更加要full pay。
樓價方面，截至3月，三亞平均呎價由去年的每平方米約2.4萬人民幣升至今年3月的3.75萬人民幣，升咗56%。海棠區最貴的豪宅，每平米賣緊14.9萬人民幣，同香港有得fight。
炒樓嫌貴過大灣區？咁從經濟層面來睇。雖然中國建設嘅自貿區大多數都冇乜料到，對香港未必構成咩威脅，但以旅遊同博彩業嚟睇，其實有能力搶走唔少港澳客。筆者近年經常回鄉，因為家人有一點小生意在當地，近3年觀察，留意到一個現象，就是黃色及低級場所已被政府掃得七七八八，當然三亞呢個旅遊重鎮，你要去「援助」一下貧苦大眾，當然仲有門路，但表面基本嘢，係有心去整靚嘅。
政府今日亦公佈咗，多達50幾個國家人士進入海南島可免簽證，率先為旅遊打開大門。從狹窄嘅數據嚟睇，親友幾間舖的生意額在3年內升咗逾倍，3年前返去，仲未見到鬼佬蹤影，但去年遊客中，有一半係外國人（雖然中國客消費力高啲）。
不過別以為有國家關照，海南整個島都有運行，其實深圳𠵱家GDP超越香港，但你去到惠州、龍崗等地，樓價依然跑輸大市。海南唔似曼谷，一年四季都係夏天，海南冬天時氣溫可以低至10℃。就以海南有個旅遊勝地神州半島為例，淡季時去到幾個屋苑小區，完全係死城。
筆者很多朋友認為，中國做法夠快，唔使諮詢呢個那個，你問我呢個本身有投資海南島嘅人會否加碼，我覺得除咗三亞，不作他選。
斯郎
https://fb.com/oneroadonebelt
斯郎
~TITLE_S~一路一帶 - 斯郎 2018年4月19日 舊文
來源 source: http://hk.finance.appledaily.com
