智取大市：港股之貿易巷戰
■貿易戰惡化，指數上落範圍被逼退落一格，恒指稍後上落市格局未必有大變。資料圖片
承接上期，貿易戰同息率之間客觀地存在一定關係，原因係貿易戰或間接冷卻通脹預期同消費信心。要特朗普喺貿易戰當中放軟態度，其中相信要有前瞻性嘅經濟數據顯示，美國有放慢加息嘅空間。下一
次再檢視嘅時間，應該係8月1日嘅聯儲議息，如果消費、就業、物價冇放緩跡象，特朗普有本錢讓2,000億美金嘅關稅方案繼續發酵，到時股市可能再受創。
以環球股市個價去睇，市場目前仍當侵侵係一個理性嘅人，又或者投資者成手貨，被逼將佢睇成理性嘅人。美國提出對華徵收2,000億美金關稅，股市跌咗幾日，原因係，中美經濟展望都差咗，同時亦多咗少少人原本覺得特朗普係正常人、但𠵱家覺得佢係黐線佬，不過仍相信未足以令所有人由Wait and see變為瘋狂拋售。
至於呢一浸，可能再捱一捱，才進入新嘅巷戰。貿易戰惡化，指數上落範圍於是被逼退落一格，以恒指計，稍後上落市格局未必有大變。如果指數只係退落一格而唔係直線大跌，上落市期間，由於大價股比較國際性、規模大、轉身慢，難免受貿易戰影響較大，從而持續面對沽壓，資金會流入貿易戰冇乜影響嘅中小股，中興（763）受惠股華虹半導體（1347）炒到癲已是一例，相信其他免疫板塊仍有機會。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com
