【魚樂無窮】「熊市」炒作攻略（唐牛）
標題用引號括住熊市二字，是我自金融海嘯後，已不再相信甚麼牛熊市，只信資金市，即有錢有得炒，冇錢就攬炒。但用熊市去形容跌跌不休的市況，卻又最全神直接，毋須再加其他形容詞。
入正題，面對熊市應該點做？首先係要調整心態。順風順水炒作模式，在今年1月底正式
完結，取而代之的是上落市，雖說高沽低揸與高揸低沽只差一線，理論上機會均等，但在人性的貪婪及恐懼下，左一巴右一巴時有發生，而家更是處於尋底階段，博反彈難度更高，所以心態上一定要降低回報要求，甚至是輸少當贏，以保本為原則，才有機會翻身。
另外，最緊要小注怡情，呢個相信唔使我講大家都明，下跌機會較高，自然容易輸錢，大注入場心理壓力增加下，止蝕肯定多過食飯。相反細細注出擊，捱價能力相對提升，博到反彈的機會亦越高。
揀股方面首選高息股，無他，整體趨勢向下，高息股抗跌力一定最強，市場避險更會惹來資金追捧，隨時成為逆市奇葩，我的心水高息股包括中電（002）、煤氣（003）、恒生（011）、領展（823）。好悶？學劉德華話齋，你想悶悶地咁贏錢，定係想好刺激咁輸錢吖？
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
