港股和美股似乎已經關係不大，惟根據過往經驗，港股多數依然會跟跌唔跟升。尤其是港股今次反彈浪的主要動力來源是挾淡倉，推高了水位之後，真心長期睇好的投資者不多，稍為遇上壞消息，自然傾向先走為敬，所以港股短期風險同樣是向下。
暫時最好放輕鬆，減低持倉然後抽離一點，料頗大機會進入低成交飄上飄落
的格局，做好做淡兩無把握，又不似會有消息出來一錘定音，當愈來愈多人選擇靠邊站，場上主要剩餘職業選手短線博弈，令走勢更難捉摸。
等趨勢明朗再部署
小注參與短線投機，當作是磨練技術沒有所謂，但要期望把握一個趨勢賺大錢便有點不切實際。當然自己一樣會繼續作戰，保持狀態，希望在下一個浪有跡可尋時早著先鞭。
不過，一般平民百姓要上班，亦未必適合短線投機，所以不如暫時休戰，等待趨勢明朗化才作打算，反正港股有排醫，美股市場中的好股又剛剛狂升完一段，也不似有特別吸引的機會。
豐盛金融資產管理董事 黃國英（作者為註冊持牌人士）（本欄每周逢一、三、五刊出）
Money18更多即時港股指數資訊
上一則
下一則
對沖國度 - 黃國英 舊文
